QR Prezidenti Qasym-Jomart Toqaev Almatydaǵy kezdesý barysynda tarihi ǵimarattar - «Alataý» kinoteatry men Ǵabit Músirepov atyndaǵy jasóspirimder teatrynyń kúrelýi jaily pikir bildirdi, dep habarlaidy QazAqparat tilshisi.
Kezdesý barysynda Prezident «burynǵy qala qurylysy kezinde Almatynyń ortalyǵy boiynsha biraz qatelik ketkenin» atap ótti.
«Men jergilikti almatylyq retinde aitarym, Abylai han kóshesindegi tarihi ǵimarattyń ornynda úlken turǵyn úidiń boi kótergenine kelise almaimyn. Sonymen qatar, Qabanbai batyr kóshesiniń boiyna úlken qonaqúi salyp tastaǵan. Ol barlyǵyn jaýyp tur. «Alataý» kinoteatr ǵimaratyn kúreýdiń ne qajeti bar edi? Ol – almatylyqtar úshin mańyzdy nysan. Sonymen qatar, oǵan birshama ýaqyt pen kúsh-jiger jumsalǵan. Almatyda mundai mysaldardy kóptep keltirýge bolady», - dedi Q.Toqaev.
Sonymen qatar, Memleket basshysy Almatynyń ortalyǵynan tyǵyz qurylysqa tyiym salynýy kerektigin de aitty.
«Saiabaqtar sanyn kóbeitý qajet. Bul qalalyqtardyń qyzyǵýshylyǵynan týǵan mańyzdy másele», - dedi Qasym-Jomart Toqaev.
