قازاقستان پرەزيدەنتٸ قاسىم-جومارت توقاەۆ ەلدەگٸ تەرتٸپسٸزدٸكتەردٸ جاقسى دايىندىقتان ٶتكەن كەسٸبيلەردٸڭ شابۋىلى دەپ باعالادى, دەپ حابارلايدى قازاقپارات.
«الماتى مەن ٶزگە قالالاردا ناعىز شايقاس بولدى. مەسەلەن, الماتىدا پوليتسييا دەپارتامەنتٸنٸڭ عيماراتى ماڭىنداعى ۇرىس 2 تٷنگە سوزىلعان. پوليتسەيلەر تەرروريستەردٸڭ شابۋىلىنا تويتارىس بەردٸ. بٸر عانا الماتىدا 7 قارۋ دٷكەنٸ باسىپ الىنعان. بۇل – جاقسى دايىندىقتان ٶتكەن كەسٸبيلەردٸڭ, ونىڭ ٸشٸندە ارنايى ۆينتوۆكالارى بار سنايپەرلەردٸڭ ەرەكەتٸ», - دەدٸ قاسىم-جومارت توقاەۆ ۇجىمدىق قاۋٸپسٸزدٸك تۋرالى شارت ۇيىمىنىڭ كەزەكتەن تىس وتىرىسىندا.
پرەزيدەنت تەرروريستەردٸڭ جەكە بايلانىس قۇرالى بولعانىن, ولاردىڭ ەسكەريلەر مەن قۇقىق قورعاۋشىلاردىڭ فورماسىن كيگەنٸن اتاپ ٶتتٸ.
«ولار ارسىز تٷردە جاپپاي تەرتٸپسٸزدٸك قاتىسۋشىلارىنىڭ اراسىنا جاسىرىنىپ, تٸرٸ قالقان رەتٸندە قولداندى. پوليتسەيلەر مەن ەسكەري قىزمەتشٸلەرگە سانى بويىنشا بەس ەسە كٶپ بانديتتەر شابۋىل جاسادى, ولاردى اسقان قاتٸگەزدٸكپەن ازاپتادى, ەكٸ پوليتسييا قىزمەتكەرٸنٸڭ باسى كەسٸلدٸ. اۋرۋحانالارعا دا ۆارۆارلىق شابۋىلدار بولدى. مەملەكەت رەسۋرسىن تٷگەسۋ ٷشٸن شابۋىل ۇيىمداستىرۋشىلار ٷلكەن مايدان اشتى. اگرەسسييا بٸر ۋاقىتتا 11 ٶڭٸردٸ قامتىدى», - دەدٸ مەملەكەت باسشىسى.
ايتا كەتەيٸك, بٷگٸن ۇقشۇ ۇجىمدىق قاۋٸپسٸزدٸك كەڭەسٸنٸڭ كەزەكتەن تىس سەسسيياسى ٶتتٸ. جيىن قازاقستان تاراپىنىڭ باستاماسىمەن شاقىرىلدى.
