قر پرەزيدەنتٸ ەكٸمشٸلٸگٸنٸڭ قوعامدىق قابىلداۋىنا جٷگٸنۋگە بولاتىن YouTube-كانال اشىلدى. ارنانى ەلٸمٸزگە بەلگٸلٸ زاڭگەر ابزال قۇسپان تانىستىردى, دەپ حابارلايدى قازاقپارات تٸلشٸسٸ.
«بۇل جوبانىڭ يدەياسى قايدان شىقتى? بيىلعى تامىز ايىندا قر پرەزيدەنتٸ جانىنان ايدا بالاەۆانىڭ جەتەكشٸلٸك ەتۋٸمەن قر جوعارعى سوتىنىڭ, باس پروكۋراتۋرانىڭ, ٸشكٸ ٸستەر مينيسترلٸگٸنٸڭ, باسقا دا ۆەدومستۆولاردىڭ قاتىسۋىمەن ازاماتتاردى قابىلداۋ قوعامدىق كوميسسيياسى قۇرىلعان بولاتىن. بۇل قوعامدىق كوميسسيياعا ازاماتتار رەسپۋبليكانىڭ تٷكپٸر-تٷكپٸرٸنەن ٶز ارىز-شاعىمىن ايتىپ كەلەدٸ. ناقتى جەكە قابىلداۋ بارىسىندا ولاردىڭ پروبلەمالارى اتالعان تۇلعالار مەن وبلىس ەكٸمدەرٸ, ٶڭٸر باسشىلارىنىڭ سەلەكتورلىق كەڭەسٸ ارقىلى شەشٸلٸپ وتىرادى», - دەدٸ زاڭگەر كوميسسييانىڭ YouTube ارناسىندا.
ابزال قۇسپان قوعامدىق كوميسسيياعا كٸرۋ تۋرالى پرەزيدەنت ەكٸمشٸلٸگٸنەن تٷسكەن ۇسىنىستى قابىلداعانىن ايتادى.
«ٶيتكەنٸ, زاڭدىق-قۇقىقتىق مەسەلەلەر كەيٸنگە قالدىرۋدى, جٷيەنٸڭ نەمەسە ساياساتتىڭ ٶزگەرۋٸ سيياقتى سەبەپتەردٸ كٷتٸپ تۇرا المايدى. ولار ناقتى وسى جەردە, وسى سەتتە شەشٸلۋٸ تيٸس. كوميسسييا قۇرامىنا پرەزيدەنت ەكٸمشٸلٸگٸنٸڭ ارنايى شاقىرۋىمەن قر ادۆوكاتتار قاۋىمداستىعى اتىنان قاتىسىپ وتىرمىن. جيىن بارىسىندا ەر ازاماتتىڭ مەسەلەسٸ جەكە تالدانىپ, تالقىلانىپ, پروبلەمالاردىڭ مەيٸلٸنشە وڭ شەشٸلۋٸنە جاعداي بار. ەر ازاماتتىڭ جاعدايى ەرتٷرلٸ بولعانىمەن مەسەلەلەرٸ ورتاق. ونى شەشۋ جولدارى ورتاق. ٶزٸمنٸڭ زاڭگەرلٸك كٶمەگٸمدٸ بەرٸپ وتىرۋ كەرەك دەپ شەشتٸم. ايدا عالىمقىزىنىڭ باسشىلىعىمەن بولاتىن وسى كوميسسييا ەشكٸمدٸ الالاماي, بٶلٸپ-جارماي, ەر ازاماتتىڭ مۇڭ-زارىن تىڭداپ, مەسەلەلەردٸ شەشەدٸ», - دەدٸ ول.
ەر ازامات ٶز مۇڭ-مۇقتاجىن, مەسەلەسٸن وسى YouTube ارنادا قالدىرسا بولادى. ول ٷشٸن استىنا پٸكٸر قالدىرۋ كەرەك. ارنادا ابزال قۇسپاننىڭ WhatsApp نٶمٸرٸ دە كٶرسەتٸلگەن.
