QR Prezidenti Ákimshiliginiń qoǵamdyq qabyldaýyna júginýge bolatyn YouTube-kanal ashyldy. Arnany elimizge belgili zańger Abzal Quspan tanystyrdy, dep habarlaidy QazAqparat tilshisi.
«Bul jobanyń ideiasy qaidan shyqty? Biylǵy tamyz aiynda QR Prezidenti janynan Aida Balaevanyń jetekshilik etýimen QR Joǵarǵy sotynyń, Bas prokýratýranyń, Ishki ister ministrliginiń, basqa da vedomstvolardyń qatysýymen azamattardy qabyldaý qoǵamdyq komissiiasy qurylǵan bolatyn. Bul qoǵamdyq komissiiaǵa azamattar respýblikanyń túkpir-túkpirinen óz aryz-shaǵymyn aityp keledi. Naqty jeke qabyldaý barysynda olardyń problemalary atalǵan tulǵalar men oblys ákimderi, óńir basshylarynyń selektorlyq keńesi arqyly sheshilip otyrady», - dedi zańger komissiianyń YouTube arnasynda.
Abzal Quspan qoǵamdyq komissiiaǵa kirý týraly Prezident Ákimshiliginen túsken usynysty qabyldaǵanyn aitady.
«Óitkeni, zańdyq-quqyqtyq máseleler keiinge qaldyrýdy, júieniń nemese saiasattyń ózgerýi siiaqty sebepterdi kútip tura almaidy. Olar naqty osy jerde, osy sátte sheshilýi tiis. Komissiia quramyna Prezident Ákimshiliginiń arnaiy shaqyrýymen QR Advokattar qaýymdastyǵy atynan qatysyp otyrmyn. Jiyn barysynda ár azamattyń máselesi jeke taldanyp, talqylanyp, problemalardyń meiilinshe oń sheshilýine jaǵdai bar. Ár azamattyń jaǵdaiy ártúrli bolǵanymen máseleleri ortaq. Ony sheshý joldary ortaq. Ózimniń zańgerlik kómegimdi berip otyrý kerek dep sheshtim. Aida Ǵalymqyzynyń basshylyǵymen bolatyn osy komissiia eshkimdi alalamai, bólip-jarmai, ár azamattyń muń-zaryn tyńdap, máselelerdi sheshedi», - dedi ol.
Ár azamat óz muń-muqtajyn, máselesin osy YouTube arnada qaldyrsa bolady. Ol úshin astyna pikir qaldyrý kerek. Arnada Abzal Quspannyń WhatsApp nómiri de kórsetilgen.
