قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ مەملەكەت باسشىسىنىڭ اتىنان قازاقتىڭ تۇڭعىش عارىشكەرٸ, حالىق قاھارمانى, اۆياتسييا گەنەرال-مايورى توقتار ەۋبەكٸروۆتٸ 80 جىلدىق مەرەيتويىمەن قۇتتىقتادى, دەپ حابارلايدى ult.kz.
«حالقىمىز ٶزٸڭٸزدٸ ەيگٸلٸ عارىشكەر, كٶرنەكتٸ قوعام قايراتكەرٸ, وتانسٷيگٸش ازامات رەتٸندە ايرىقشا قادٸرلەيدٸ. سٸزدٸڭ ەڭبەك جولىڭىز جارقىن بەلەستەردەن تۇرادى. بٸراز جىل كەسٸبي ۇشقىش بولىپ, جاڭا ەسكەري ۇشاقتاردى سىناقتان ٶتكٸزٸپ, ەرەن ەرلٸكتٸڭ ٷلگٸسٸن كٶرسەتە بٸلدٸڭٸز. سٸز زەڭگٸر كٶككە كٶتەرٸلگەن قازاقتىڭ تۇڭعىش عارىشكەرٸ اتاندىڭىز. ەلٸمٸزدٸڭ ەلەم الدىنداعى مەرتەبەسٸن ارتتىرۋعا, حالىقارالىق ىنتىماقتاستىقتى نىعايتۋعا, ۇلتتىق اەروعارىش, قورعانىس ٶنەركەسٸبٸ سالالارىنىڭ دامىتۋىنا قوسقان ٷلەسٸڭٸز ٶتە مول. پارلامەنت مەجٸلٸسٸنٸڭ دەپۋتاتى بولعان كەزٸڭدە تەرەڭ بٸلٸمٸڭٸز بەن ٶمٸرلٸك تەجٸريبەڭٸزدٸ وتاندىق زاڭنامانى جەتٸلدٸرۋ ٸسٸنە ارنادىڭىز. الداعى كەزەڭدە ەسەلٸ ەڭبەگٸڭٸزدٸڭ جەمٸسٸن كٶرٸپ, ەل-جۇرتتىڭ سىي-قۇرمەتٸنە بٶلەنە بەرۋٸڭٸزگە تٸلەكتەستٸگٸمدٸ بٸلدٸرەمٸن. سٸزگە مىقتى دەنساۋلىق, ۇزاق عۇمىر, وتباسىڭىزعا باق-بەرەكە تٸلەيمٸن», — دەلٸنگەن پرەزيدەنت قاسىم-جومارت توقاەۆتىڭ قۇتتىقتاۋ حاتىندا.
پرەمەر-مينيستر 1 شٸلدەدە قازاقستان رەسپۋبليكاسىنىڭ جاڭا كونستيتۋتسيياسى كٷشٸنە ەنگەنٸن اتاپ ٶتتٸ. اتالعان قۇجات ەدٸلەتتٸ مەملەكەت قۇرۋ تۇجىرىمداماسىن بەكٸتٸپ, ەلٸمٸزدٸڭ ودان ەرٸ دامۋ باعدارىن ايقىندايدى.
«بٷگٸندە پرەزيدەنتٸمٸزدٸڭ «ەدٸلەتتٸ قازاقستان» باستاماسىنا ەردايىم قولداۋ بٸلدٸرٸپ, جاڭا كونستيتۋتسييادا ايقىندالعان ۇلتتىڭ جاڭا ساپاسىن قالىپتاستىرۋ ٸسٸنە دە ايانباي اتسالىسىپ جٷرسٸز. ٶيتكەنٸ, وتانشىلدىق, ەدٸلدٸك, زاڭ مەن تەرتٸپ, ەرلٸك پەن ەڭبەكقورلىق سيياقتى اسىل قاسيەتتەردٸ جاستاردىڭ بويىنا سٸڭٸرۋدە الاش جۇرتىنىڭ ادال پەرزەنتٸ, حالقىمىزدىڭ حاس باتىرى رەتٸندە سٸزدٸڭ الاتىن ورنىڭىز ەرەكشە», — دەپ اتاپ ٶتتٸ ولجاس بەكتەنوۆ.
سالتاناتتى ٸس-شاراعا اەروعارىش سالاسىنىڭ, قارۋلى كٷشتەر مەن گەنەرالدار كەڭەسٸنٸڭ ٶكٸلدەرٸ, سونداي-اق وتاندىق جەنە شەتەلدٸك عارىشكەر-ۇشقىشتار, سىناقشى-ۇشقىشتار, ينجەنەرلەر مەن كونسترۋكتورلار قاتىستى.
جيىنعا قاتىسۋشىلار الدىندا سٶز سٶيلەگەن پرەمەر-مينيستر عارىش سالاسىنىڭ قازاقستاننىڭ تەحنولوگييالىق دامۋىنا قوسىپ وتىرعان ماڭىزدى ٷلەسٸن اتاپ ٶتتٸ. ەلٸمٸزدە ۇلتتىق سپۋتنيكتٸك بايلانىس جەنە جەردٸ قاشىقتان زوندتاۋ جٷيەلەرٸ جۇمىس ٸستەيدٸ, اۋىل شارۋاشىلىعى, ەكولوگييا جەنە ٶزگە دە سالالاردىڭ قاجەتتٸلٸگٸ ٷشٸن دەرەكتەردٸ ٶڭدەۋ جٷيەسٸ جەتٸلدٸرٸلۋدە, سونىمەن قاتار دەرەكتەردٸ ٶڭدەۋ مٷمكٸندٸكتەرٸ كەڭەيتٸلٸپ, شالعايداعى ەلدٸ مەكەندەردٸڭ ينتەرنەتكە قولجەتٸمدٸلٸگٸ ارتىپ كەلەدٸ. سونداي-اق بايقوڭىر عارىش ايلاعىنان «سۇڭقار» زىمىران-تاسىعىشىنىڭ سەتتٸ سىناقتىق ۇشىرىلۋى وتاندىق عارىش سالاسىنىڭ دامۋىنداعى جاڭا كەزەڭنٸڭ باستالۋىنا جول اشقانى ەرەكشە اتاپ ٶتٸلدٸ.
