بٷگٸن ٷكٸمەت ٷيٸندە قر پرەمەر-مينيسترٸ باقىتجان ساعىنتاەۆ ەكسپورتتى دامىتۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
كەڭەس بارىسىندا اۋىل شارۋاشىلىعى ٶنٸمدەرٸ مەن ولاردى قايتا ٶڭدەۋ ٶنٸمدەرٸنٸڭ ەكسپورتىن دامىتۋدىڭ كەشەندٸ ۇلتتىق جٷيەسٸن ٸسكە اسىرۋ باعىتتارى تالقىلاندى. ەكسپورتتىق ەلەۋەتكە يە تاۋارلاردىڭ «ەكسپورتتىق قورجىنى» قارالدى.
ايتا كەتەيٸك, اۋىل شارۋاشىلىعى ٶنٸمدەرٸ مەن ولاردى قايتا ٶڭدەۋ ٶنٸمدەرٸنٸڭ ەكسپورتى 2017 جىلدىڭ قاڭتار-تامىز ارالىعىندا $1 347,9 ملن قۇرادى. 2016 جىلدىڭ وسى كەزەڭٸمەن سالىستىرعاندا اٶك ٶنٸمدەرٸ ەكسپورتىنىڭ 10,6%-عا ($1205,9 ملن-نان $1 347,9 ملن دەيٸن), سونىڭ ٸشٸندە اۋىل شارۋاشىلىعى ٶنٸمدەرٸن قايتا ٶڭدەۋ ٶنٸمدەرٸ 9,9%-عا ($563,1 ملن-نان $625 ملن دەيٸن) ارتقانى بايقالادى. ەكسپورت قۇرىلىمى بويىنشا نەگٸزگٸ كٶلەم بيداي (28,3%) مەن ۇنعا (21,0%) تيەسٸلٸ.
.jpeg)