ٷكٸمەت وتىرىسىندا قر پرەمەر-مينيسترٸ ەليحان سمايىلوۆ «بٸلٸمدٸ ۇلت» ۇلتتىق جوباسىن تەز ارادا قايتا قاراۋدى تاپسىردى, دەپ حابارلايدى قازاقپارات.
ەليحان سمايىلوۆ ۆەدومستۆونىڭ الداعى جوبالارى مەن ۇسىنىستارىن قولدايتىنىن ايتا كەلٸپ, بٸرنەشە تاپسىرما بەردٸ.
«بٸرٸنشٸ, پرەزيدەنت تاپسىرمالارىنا سەيكەس, «بٸلٸمدٸ ۇلت» ساپالى بٸلٸم بەرۋ ۇلتتىق جوباسىن تەز ارادا قايتا قاراۋ كەرەك.
ەكٸنشٸ, ۇلتتىق ەكونوميكا, قارجى مينيسترلٸكتەرٸمەن بٸرلەسٸپ ٷكٸمەتتٸڭ 2022 جىلعا ارنالعان ٸس-قيمىل جوسپارىنىڭ جوباسىنا بالالاردى بالاباقشاعا كەزەككە قويۋدىڭ بٸرىڭعاي تسيفرلىق بازاسىن قۇرۋ, تەربيە جۇمىسى تۇجىرىمداماسىن قابىلداۋ, قوسىمشا بٸلٸم بەرۋدٸڭ بٸرىڭعاي ۇلتتىق پورتالىن قۇرۋ جٶنٸندەگٸ ٸس-شارالاردى ەنگٸزۋ قاجەت», - دەدٸ ٷكٸمەت باسشىسى.
ول تاپسىرعان ٷشٸنشٸ مٸندەت – كەسٸپورىنداردىڭ كوللەدجدەردٸ قامقورلىققا الۋىن دامىتۋ جٶنٸندەگٸ كەشەندٸ جوسپاردىڭ جوباسىن 10 اقپانعا دەيٸن ٷكٸمەت قاراۋىنا ەنگٸزۋ.
«تٶرتٸنشٸ, جەتەكشٸ شەتەلدٸك جوعارى وقۋ ورىندارىنىڭ فيليالدارىن اشۋ جٶنٸندەگٸ جول كارتاسىن 7 اقپانعا دەيٸن ەنگٸزۋ كەرەك.
بەسٸنشٸ, سالالىق مەملەكەتتٸك ورگاندارمەن بٸرلەسٸپ, تەحنيكالىق باعىتتاعى عىلىمي كادرلاردى دايارلاۋعا باسىمدىق بەرۋ قاجەت. ونىڭ ٸشٸندە جاس عالىمدارعا گرانتتار بٶلۋ جەنە جىل سايىن جەتەكشٸ شەتەلدٸك عىلىمي ورتالىقتارعا جٸبەرۋ جۇمىستارىنىڭ اياسىندا دا ۇيىمداستىرىلۋ كەرەك», - دەگەن ەليحان سمايىلوۆ اتالعان جۇمىستاردى ۇيىمداستىرىپ, باقىلاۋدى ورىنباسارى ەرالى توعجانوۆقا تاپسىردى.
