پورتۋگالييا پارلامەنتٸ ەۆتانازييانى زاڭداستىرۋ جٶنٸندە زاڭ جوباسىن قابىلدادى. دەپۋتاتتار اتالعان قۇجاتتى جىل باسىندا قابىلداعان, الايدا ول كەزدە كونستيتۋتسييالىق سوت زاڭ جوباسىن ٶتكٸزبەي تاستاعان.
زاڭ جوباسىن 138 دەپۋتات قولدادى, 84 دەپۋتات قارسى بولدى, بەسەۋٸ قالىس قالدى.
زاڭعا جاڭا باپ ەنگٸزٸلٸپ, "مەديتسينا كٶمەگٸمەن بولعان ٶلٸم", "مەديتسينا كٶمەگٸمەن بولعان ٶزٸن ٶلتٸرۋ", "ەۆتانازييا", "اۋىر نەمەسە جازىلمايتىن اۋرۋ", "تۇراقتى نەمەسە تٶتەنشە اۋىر جاراقات", "قينالۋ", "دەرٸگەر-كەڭەسشٸ", "دەرٸگەر-مامان" ۇعىمدارى ەنگٸزٸلدٸ. ەندٸ قۇجاتتى پرەزيدەنت قاراۋى تيٸس.
پورتۋگالييا پارلامەنتٸ ەۆتانازييانى زاڭداستىرۋدى 2021 جىلى قاڭتاردا قولداعان. الايدا پرەزيدەنت مارسەلۋ رەبەلۋ دي سوزا زاڭعا قول قويۋدان باس تارتىپ, كونستيتۋتسييالىق سوتقا جٷگٸنگەن.
كونستيتۋتسييالىق سوت قۇجاتتا "مەديتسينا كٶمەگٸمەن بولعان ٶلٸمدٸ دەكريميناليزاتسييالاۋعا مٷمكٸندٸك بەرەتٸن تالاپتاردى انىقتاۋ كەزٸندە تىم بۇلىڭعىر ۇعىمدار" پايدالانىلاتىنىن ەسكەرتكەن. 2018 جىلى پورتۋگالييا پارلامەنتٸ وسى مەسەلە بويىنشا داۋىس بەرٸپ, ەۆتانازيياعا قارسىلار ەكٸ ەسە كٶپ داۋىسپەن جەڭگەن.
قازٸر بەلگييا, يسپانييا, ليۋكسەمبۋرگ, نيدەرلاندى, كانادا, كولۋمبييا جەنە اۆسترالييا مەن اقش-تىڭ كەيبٸر شتاتتارىندا ەۆتانازييا زاڭداستىرىلعان.
