اقش مەملەكەتتٸك حاتشىسى مايك پومپەو "ۆەنەسۋەلا پرەزيدەنتٸ نيكولاس مادۋرو 30 سەۋٸردە كۋباعا قاشپاق بولدى" دەپ مەلٸمدەدٸ. پومپەو بۇل تۋرالى امەريكالىق CNN ارناسىنا 1 مامىردا بەرگەن سۇحباتىندا ايتتى, دەپ جازادى ازاتتىق.
مەملەكەتتٸك حاتشىنىڭ سٶزٸنشە, ۇشاعى ۇشۋ الاڭىندا ەۋەگە كٶتەرٸلۋگە دايىن تۇرعان نيكولاس مادۋرونى كرەمل توقتاتقان. پومپەو مادۋرومەن رەسەي بيلٸگٸنەن سٶيلەسكەن ادامنىڭ اتىن ايتقان جوق. "ۇشاق گاۆاناعا قونۋى كەرەك ەدٸ" دەدٸ ول.
پومپەو ۆاشينگتوننىڭ ۆەنەسۋەلا وپپوزيتسيياسىنىڭ ليدەرٸ حۋان گۋايدونى قولدايتىنىن تاعى بٸر مەرتە مەلٸمدەدٸ.
30 سەۋٸردە گۋايدو مادۋرونى بيلٸكتەن كەتٸرۋ ٷشٸن ەل ازاماتتارىن جاپپاي شەرۋگە شىعۋعا شاقىرعان. كٶشەگە شىققان وپپوزيتسييا جاقتاستارى مەن ٷكٸمەت كٷشتەرٸنٸڭ تٸرەسٸ شيەلەنٸسٸپ, 50-دەن استام ادام تٷرلٸ جاراقاتپەن كاراكاستاعى اۋرۋحاناعا جەتكٸزٸلگەن. ٷكٸمەت ساربازدارىنىڭ بٸر بٶلٸگٸ گۋايدو جاعىنا ٶتكەن.
بيىل قاڭتاردا ٶزٸن ۆەنەسۋەلانىڭ ۋاقىتشا پرەزيدەنتٸمٸن دەپ جارييالاعان حۋان گۋايدونى ەلۋدەن استام ەل ۆەنەسۋەلانىڭ زاڭدى باسشىسى دەپ تانىعان. نيكولاس مادۋرو ەلدەگٸ داعدارىسقا اقش-تى ايىپتايدى.
بۇعان دەيٸن اقش پرەزيدەنتٸنٸڭ ۇلتتىق قاۋٸپسٸزدٸك جٶنٸندەگٸ كٶمەكشٸسٸ دجون بولتون "مادۋرونىڭ جاقتاستارى ونى بيلٸكتەن كەتٸرۋ جايلى ٶزارا كەلٸسسٶز جٷرگٸزٸپ جاتىر" دەپ حابارلاعان.
مادۋرونى رەسەي مەن قىتاي باستاعان ساناۋلى ەل قولدايدى.
