پوليتسييا قىزمەتكەرلەرٸ كٷن سايىن 70 ماس جٷرگٸزۋشٸنٸ ۇستايدى. بۇل تۋرالى قر ٸٸم ەكٸمشٸلٸك پوليتسييا كوميتەتٸنٸڭ باسقارما باستىعى اسقار تەجەنوۆ مەلٸم ەتتٸ, دەپ حابارلايدى "ۇلت اقپارات".
ونىڭ اتاپ ٶتۋٸنشە, ەلٸمٸزدە ماس كٷيدە كۋەلاندىرۋدان ٶتۋدەن باس تارتقان كٶلٸك جٷرگٸزۋشٸلەرٸنە جاۋاپكەرشٸلٸك ەنگٸزٸلگەن. 2020 جىلدان باستاپ مۇنداي جٷرگٸزۋشٸلەر 8 جىلعا كٶلٸك جٷرگٸزۋ قۇقىعىنان ايىرىلادى
«بۇعان قوسا, مۇنداي جٷرگٸزۋشٸلەر 15 تەۋلٸككە ەكٸمشٸلٸك قاماۋعا الىنادى. وسى جىلدىڭ 5 ايىنىڭ ٸشٸندە ەلٸمٸزدٸڭ جولدارىندا ماس كٷيدە كٶلٸك جٷرگٸزگەنٸ ٷشٸن 8,5 مىڭنان استام جٷرگٸزۋشٸ ەكٸمشٸلٸك جاۋاپكەرشٸلٸككە تارتىلدى. بۇل پوليتسييا قىزمەتكەرلەرٸ بٸر كٷندە شامامەن 70 ماس جٷرگٸزۋشٸنٸ ۇستايتىندىعىن بٸلدٸرەدٸ», - دەدٸ اسقار تەجەنوۆ ٸٸم باسپاسٶز قىزمەتٸ الاڭىندا ٶتكەن بريفينگ بارىسىندا.
