نۇر-سۇلتان قالالىق پوليتسييا دەپارتامەنتٸ تەرگەۋ باسقارماسى باستىعىنىڭ ورىنباسارى قايرات ارتىقوۆ «حان شاتىردا» كٶز جۇمعان بالاعا قاتىستى ٸستٸڭ مەن-جايىن تٷسٸندٸردٸ, دەپ حابارلايدى قازاقپارات.
«وقيعا وسى جىلدىڭ ماۋسىم ايىنىڭ ٷشٸندە بولعان. نۇر-سۇلتان قالاسى №10 گيمنازيياسىنىڭ وقۋشىلارى وقۋدان كەيٸن بٸرنەشە جاساق بولىپ, حان-شاتىر وسو-عا كەلەدٸ. ولار 4-قاباتتاعى دەمالىس ورنىنا كەلگەن. ساعات 11-گە تاياعان كەزدە جاسٶسپٸرٸم قىز ساياجايداعى باسسەينگە تٷسٸپ, سۋعا باتىپ كەتكەن. سول جەردە بولعان قۇتقارۋشىلار قىزدىڭ دەنەسٸن شىعارىپ, وقيعا ورنىندا بولعان مەديتسينالىق قىزمەتكەرلەر العاشقى كٶمەك كٶرسەتەدٸ. جەدەل جەردەم شاقىرىلادى. بٸراق, كٶمەك كٶرسەتۋدەن نەتيجە شىقپاي, جاسٶسپٸرٸم قىز جان تاپسىردى», - دەدٸ قايرات ارتىقوۆ ەلوردادا ٶتكەن باسپاسٶز مەسليحاتىندا.
ونىڭ ايتۋىنشا, اتالمىش وقيعا بويىنشا قىلمىستىق ٸس قوزعالىپ, سول جەردە بولعان حان-شاتىر وسو قىزمەتكەرلەرٸنەن, قۇتقارۋشىلاردان, مەديتسينالىق قىزمەتكەرلەردەن, بالالاردى سول جەرگە الىپ كەلگەن گيمنازييانىڭ مۇعالٸمدەرٸنەن جاۋاپ الىنعان.
«قۇتقارۋشىلاردىڭ ٸس-ەرەكەتٸنە قاتىستى تەكسەرٸس تاعايىندالىپ, تيٸستٸ جۇمىستار اتقارىلىپ جاتىر. باسسەيندە بالالار كٶپ بولدى. ول قىز سۋدىڭ استىنا كەتكەندە جانىندا بولعان قىزدار ايقايلاپ-شۋلاپ, مۇعالٸمدەردٸ شاقىرعان. مۇعالٸمدەر تەز ارادا قۇتقارۋشىعا ايتقان. قۇتقارۋشى سۋعا سەكٸرٸپ, بالانى شىعارعان. بالانى, بٸزدٸڭ بٸلۋٸمٸزشە, ەكٸ-ٷش مينۋتتىڭ ٸشٸندە الىپ شىققان. بٸراق ول سۋدى كٶپ جۇتىپ قويعان. سالدارىنان سول جەردە قايتىس بولدى», - دەدٸ ول.
بۇعان دەيٸن ەلورداداعى «حان شاتىر» سوسو باسسەينٸندە قىز بالا سۋعا كەتٸپ, تەرگەۋ امالدارى جٷرگٸزٸلٸپ جاتقانىن حابارلاعان ەدٸك.
