فوتو: kursiv.media
پوليتسييا الماتى جەنە شىمكەنت قالالارىنىڭ اۋماعىندا قاڭتار وقيعاسىنا قاتىسۋشىلاردى ۇستادى, دەپ حابارلادى Polisia.kz.
"7 اقپاندا الماتى جەنە شىمكەنت قالالارىنىڭ اۋماعىندا ٸٸم ۇيىمداسقان قىلمىسقا قارسى كٷرەس بٶلٸنٸستەرٸنٸڭ قىزمەتكەرلەرٸ ۇزاق ۋاقىت بويى قىلمىستىق قۋدالاۋ ورگاندارىنان جاسىرىنىپ جٷرگەن قاڭتار وقيعاسىنىڭ ەكٸ قاتىسۋشىسىن ۇستادى", - دەپ جازىلعان حابارلامادا.
ولار "ديكيي ارمان" لاقاپ اتىمەن تانىمال ارمان جۇماگەلديەۆ ۇيىمداسقان قىلمىستىق توبىنىڭ مٷشەسٸ بولعان.
"ۇستالعانداردىڭ بٸرٸ سامات ەمٸرباەۆ 2022 جىلى شىمكەنتتە كٸسٸ ٶلتٸرۋگە جەنە سول قالانىڭ باسقا تۇرعىنىنا قاتىستى ٶزٸنشە بيلٸك ەتۋگە قاتىسى بار دەگەن كٷدٸككە ٸلٸنگەن. ول تٷركٸستان وبلىسىنىڭ اۋماعىندا ۇستالدى. ونىڭ كٸسٸ ٶلتٸرۋ فاكتٸسٸ بويىنشا سىبايلاستارىنىڭ بٸرٸ 16 جىلعا سوتتالىپ, قازٸرگٸ ۋاقىتتا باس بوستاندىعىنان ايىرۋ ورنىندا جازاسىن ٶتەپ جاتىر", - دەيدٸ قر ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ باسقارما باستىعى قۋاندىق الپىس.
ونىڭ ايتۋىنشا, ۇيىمداسقان قىلمىستىق توپتىڭ ەكٸنشٸ مٷشەسٸ الماتى ەۋەجايىندا شەكارالاس ەلدٸڭ اۋماعىنان كەلگەننەن كەيٸن ۇستالعان. وندا ول قازاقستاننىڭ قۇقىق قورعاۋ ورگاندارىنان جاسىرىنعان.
ۇستالعان ادامدار ۋاقىتشا ۇستاۋ يزولياتورىنا قامالدى.
