الماتىنىڭ ورتالىق كٶشەلەرٸندە ەسٸرتكٸ جارناماسى تۋرالى باننەرلەر كٶپشٸلٸكتٸڭ نارازىلىعىن تۋدىردى, دەپ حابارلايدى قازاقپارات تٸلشٸسٸ.
بۇل تۋرالى قوعامدىق بەلسەندٸسٸ ەسەم جاپيشەۆا Facebook پاراقشاسىندا جازدى.
پوست اۆتورى مۇنداي جارنامالىق باننەرلەردٸ بٸرنەشە ورتالىق كٶشەدەن كٶرگەن.
«باننەردە QR-كود پەن سايت اتاۋى كٶرسەتٸلگەن. سول كود ارقىلى سايتقا ٶتٸپ, ستافف, سپيد, مەفەدرون, كريستال باسقا دا زاتتاردى الۋعا بولاتىنى كٶرسەتٸلگەن. ودان دا سوراقىسى باننەر ٸلگەن ادامدار ايفون, تاعى باسقا زاتتاردى ويناتۋ ٷشٸن بايقاۋ ۇيىمداستىرعان. بايقاۋ تالاپتارى – باننەر قاسىندا سۋرەتكە تٷسٸپ, دوستار مەن تانىستاردى تەگتەي وتىرا ەلەۋمەتتٸك جەلٸدە جارييالاۋ كەرەك. تەك بۇل فيتنەس ورتالىقتىڭ جارناماسى ەمەس, ەسٸرتكٸ ديلەرلەرٸنٸڭ جارناماسى», - دەدٸ ول.
قوعام بەلسەندٸسٸ مۇنداي باننەرلەردٸڭ قازاقستاننىڭ 5 ٸرٸ قالاسى نۇر-سۇلتان, قاراعاندى, شىمكەنت, ٶسكەمەن, الماتىدا بار ەكەندٸگٸن ايتتى.
«بۇل دەرەك قالالىق پوليتسييا دەپارتامەنتٸنٸڭ ەسٸرتكٸ بيزنەسٸنە قارسى كٷرەس باسقارماسىنىڭ باقىلاۋىنا الىندى. قۇقىق قورعاۋ ورگاندارى تاراپىنان شۇعىل شارالار قولعا الىندى. تەكسەرۋ نەتيجەسٸندە باننەردٸ جارييالاعان كومپانييا انىقتالدى. جاقىن ارادا تاپسىرىس بەرۋشٸ دە تابىلىپ قالادى», - دەدٸ پوليتسييا دەپارتامەنتٸنەن.
پوليتسييا قازٸر بۇل باننەرلەردٸ الىپ تاستاۋدا.
