قىزىلوردا وبلىسىندا پوليتسييادان قاشپاق بولعان ەسٸرتكٸ ٶسٸرۋشٸلەر تٸكۇشاقپەن ۇستالدى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ موبيلدٸ توبى جەنە ٸٸم-نٸڭ ارنايى بٶلٸنٸستەرٸ قاراعاندى جەنە قىزىلوردا وبلىستارىنىڭ شەكارالارىن تٸكۇشاقپەن بارلاۋ كەزٸندە قىزىلوردا قالاسىنان 320 كم قاشىقتىقتا قولدان ٶسٸرٸلگەن قاراسورا پلانتاتسيياسىن انىقتاعان. سول جەردە سۋارۋعا ارنالعان باسسەين, اگروقۇرالداردى ساقتاۋعا جەنە سول جەردە تۇرۋعا ارنالعان جەر ٷي بولعان.
«پلانتاتسيياعا جاقىن ۇشىپ بارۋ كەزٸندە جالعان مەملەكەتتٸك تٸركەۋ نٶمٸرلەرٸ تاعىلعان ەكٸ «Toyota Land Cruiser» جول تالعامايتىن كٶلٸكتەرٸ بايقالدى. ولار تٸكۇشاقتان ٷلكەن جىلدامدىقپەن قاشا باستادى. داۋىس زورايتقىش ارقىلى پوليتسييا قىزمەتكەرلەرٸنٸڭ توقتاۋ تۋرالى تالابىن ەلەمەدٸ. اۆتوكٶلٸكتٸڭ سوڭىنا تٷسكەن قىزمەتكەرلەر ونى توقتاتۋ ٷشٸن كٶلٸكتٸڭ الدىنا جەنە بٸرنەشە رەت دٶڭگەلەكتەرٸنە وق اتتى. دٶڭگەلەكتەرٸنە زاقىم كەلگەن سوڭ عانا ەكٸ كٶلٸك قوزعالىسىن توقتاتتى. پوليتسييا قىزمەتكەرلەرٸ جەرگٸلٸكتٸ ٷش تۇرعىندى ۇستادى. ولاردى ۇستاۋ كەزٸندە بٸرەۋٸ جاراقات الدى. وعان العاشقى مەديتسينالىق كٶمەك كٶرسەتٸلدٸ جەنە مەديتسينالىق مەكەمەگە جەتكٸزٸلدٸ. ونىڭ ٶمٸرٸنە قازٸرگٸ ۋاقىتتا ەش قاۋٸپ تٶنٸپ تۇرعان جوق. اتالعان جەردە قىزىلوردا وبلىسىنىڭ پوليتسييا دەپارتامەنتٸنٸڭ جەدەل-تەرگەۋ توبى جۇمىس ٸستەپ جاتىر», - دەدٸ پوليتسييادان.
ەسكە سالايىق, رەسپۋبليكا اۋماعىندا 1 ماۋسىمنان باستاپ 30 قازانعا دەيٸن «قاراسورا» ارنايى وپەراتسيياسى ٶتكٸزٸلٸپ جاتىر. ونىڭ شەڭبەرٸندە قۇرامىندا ەسٸرتكٸ بار ٶسٸمدٸكتەردٸڭ زاڭسىز ٶسٸرٸلگەن القاپتارىن انىقتاۋ ٷشٸن تٸكۇشاقتى پايدالانۋ, جوعارى جىلدامدىقتاعى اۆتوكٶلٸكتەرٸ بار موبيلدٸ توپتاردى جۇمىلدىرۋ كٶزدەلگەن. وپەراتسييا باستالعالى بارلىعى 430 ەسٸرتكٸ قىلمىسى انىقتالدى, ونىڭ ٸشٸندە 178-ٸ – قۇرامىندا ەسٸرتكٸ بار ٶسٸمدٸكتەردٸ زاڭسىز ٶسٸرۋگە, 153-ٸ – ساتۋعا, 83-ٸ – ساقتاۋعا قاتىستى. سونداي-اق ەسٸرتكٸ كونترابانداسىنىڭ 5 فاكتٸسٸ انىقتالدى. زاڭسىز اينالىمنان جالپى 9 توننا ەسٸرتكٸ الىندى.
