الماتىلىق پوليتسەيلەر جاڭا تۋعان نەرەستەنٸ قۇتقارىپ قالدى, - دەپ حابارلايدى Polisia.kz.
وقيعا كەشە تٷندە تٷركسٸب اۋدانىندا بولعان.
"بٸزگە تٷنگٸ ساعات ەكٸدە كەمەلەتكە تولماعان قىز تٷسٸك تاستاعانى تۋرالى قوڭىراۋ كەلٸپ تٷستٸ. ول قالاداعى اۋرۋحانالاردىڭ بٸرٸنە جاتقىزىلدى. دەرٸگەرلەرمەن سٶيلەسكەننەن كەيٸن مەن وقيعا ورنىنا بارىپ, تەكسەرۋدٸ جٶن كٶردٸم. باسىما "بالا قايدا" دەگەن سۇراق كەلدٸ. قىزدىڭ اناسىنان وقيعاعا دەيٸن قىز سىرتتاعى دەرەتحانادا بٸراز ۋاقىت بولعانىن بٸلدٸم. دەرەتحانا ٸشٸنەن قان ٸزدەرٸن تاۋىپ, ٸشٸندە جاتقان بالانى كٶردٸم. ول دەم الىپ جاتتى. وسى كەزدە تەرگەۋ-جەدەل توبى كەلدٸ, ونىڭ قۇرامىندا كريمينالدىق پوليتسييا بٶلٸمٸنٸڭ جەدەل ۋەكٸلٸ عازيز حاماسقاليەۆ بولدى. بٸز دەرەتحانانىڭ ەدەنٸنەن تاقتايلاردى تەز الىپ تاستادىق. ەرٸپتەسٸم عازيز تٶمەن تٷسٸپ, بالانى قىزمەتتٸك كٶيلەگٸنە وراپ, ابايلاپ شىعارىپ الدى. سول كەزدە نەرەستە جىلادى. بەرٸمٸز مازاسىز كٷيدە ەدٸك, ۋايىمدادىق. بالانى تەز ارادا دەرٸگەرلەرگە تاپسىردىق", – دەدٸ تٷركسٸب اۋداندىق پب-نىڭ كەمەلەتكە تولماعاندار ٸسٸ جٶنٸندەگٸ ۋچاسكەلٸك ينسپەكتورى نۇرجان شاتۋنوۆ.
17 جاستاعى جاسٶسپٸرٸمنٸڭ اناسىنىڭ ايتۋىنشا, ول قىزىنىڭ جٷكتٸ بولعانىن بٸلمەگەن. قازٸرگٸ ۋاقىتتا بۇل دەرەك بويىنشا تٷركسٸب اۋداندىق پب-نا قاراستى پوليتسييا بٶلٸمٸندە تەرگەۋ امالدارى باستالعان. وقيعانىڭ مەن-جايى انىقتالىپ جاتىر.
"قازٸر بالانىڭ جاعدايىن بٸلٸپ قايتتىق. ول دەرٸگەرلەردٸڭ باقىلاۋىندا جانساقتاۋ بٶلٸمٸندە جاتىر. ٶز بەتٸنشە دەم الىپ جاتىر – بۇل جاڭالىققا بالانى قۇتقارۋعا قاتىسقان بارلىق ەرٸپتەسٸم قاتتى قۋاندى. دەمەك, بالا ٶمٸر سٷرەدٸ. ول تۋىلعاننان بەرٸ ٶز ٶمٸرٸ ٷشٸن كٷرەستٸ. وعان زور دەنساۋلىق, ۇزاق عۇمىر تٸلەيمٸز. باقىتتى بولىپ ٶسە بەرسٸن. مەن - ٷش ۇلدىڭ ەكەسٸمٸن. سوندىقتان بۇل وقيعا مەنٸ بەيجاي قالدىرمادى. بٸز ٶز ەرٸپتەستەرٸمٸزبەن بٸرگە قۇتقارىلعان نەرەستەنٸڭ تاعدىرىن مٸندەتتٸ تٷردە قاداعالايمىز جەنە مٷمكٸندٸگٸنشە وعان قاتىساتىن بولامىز", – دەدٸ شاتۋنوۆ.
