الماتى وبلىسىندا پوليتسييا قىزمەتكەرٸ اسلان ەلسەروۆتٸڭ ٶلٸمٸنە قاتىستى ٸس بويىنشا كٷدٸككە ٸلٸنگەن كەمەلەتكە تولماعاندارعا قاتىستى بۇلتارتپاۋ شاراسى تاڭدالدى. سوت شەشٸمٸمەن ولار ٷيقاماققا الىندى, دەپ حابارلايدى ult.kz.
جاسٶسپٸرٸمدەردٸڭ ادۆوكاتتارى گاۋھار سارىەۆا مەن دينارا شەمشەكوۆانىڭ ايتۋىنشا, كەگەن اۋداندىق سوتىنىڭ تەرگەۋ سۋدياسى كٷدٸكتٸلەردٸ تەرگەۋ يزولياتورىنا قاماۋدان باس تارتىپ, ولارعا ٷيقاماق تٷرٸندەگٸ بۇلتارتپاۋ شاراسىن قولدانعان.
جاقىن كٷندەرٸ ولارعا ەلەكتروندى بٸلەزٸك تاعىلىپ, بەينەباقىلاۋ جٷيەسٸ ورناتىلادى.
ادۆوكاتتاردىڭ سٶزٸنشە, سوت وتىرىسى بارىسىندا قورعاۋ تاراپى تەرگەۋ اياسىندا مۇقييات تەكسەرٸلۋگە تيٸس جايتتارعا نازار اۋدارعان.
"بالالاردىڭ ۇزاق جىلدار بويى جٷيەلٸ تٷردە زورلىق-زومبىلىق پەن قاتىگەزدٸك جاعدايىندا ٶمٸر سٷرگەن بولۋى مٷمكٸن ەكەنٸن جوققا شىعارۋعا بولمايدى. ولار تەك كۋەگەر ەمەس, ٶزدەرٸ دە سونداي ەرەكەتتەردٸڭ قۇربانى بولعان بولۋى ىقتيمال. بٸز مۇنى دەلەلدەنگەن فاكت رەتٸندە ايتىپ وتىرعان جوقپىز, سوندىقتان بۇل دەرەكتەردٸڭ بارلىعى تەرگەۋ بارىسىندا جان-جاقتى تەكسەرٸلۋٸ قاجەت", – دەدٸ ادۆوكاتتار.
ەسكە سالايىق, 23 ماۋسىمدا الماتى وبلىسىنىڭ كەگەن اۋدانىندا 37 جاستاعى پوليتسييانىڭ اعا جەدەل ۋەكٸلٸ اسلان ەلسەروۆتٸڭ ٶرتەنگەن مەيٸتٸ تابىلعان بولاتىن.
كٸسٸ ٶلتٸردٸ دەگەن كٷدٸكپەن مارقۇمنىڭ جۇبايى, ۇلى جەنە تاعى بٸر جاسٶسپٸرٸم ۇستالدى. تەرگەۋ مەلٸمەتٸنشە, قىلمىس الماتىداعى وتباسىنىڭ پەتەرٸندە جاسالعان. كەيٸن مەيٸت كەگەن اۋدانىنا جەتكٸزٸلٸپ, قىلمىستىڭ ٸزٸن جاسىرۋ ماقساتىندا ٶرتەلمەك بولعان.
اتالعان فاكتٸ بويىنشا قازاقستان رەسپۋبليكاسى قىلمىستىق كودەكسٸنٸڭ 99-بابىنىڭ 2-بٶلٸگٸ («ادام ٶلتٸرۋ») بويىنشا قىلمىستىق ٸس تەرگەلٸپ جاتىر.
