قازاقستانداعى ۋنيۆەرسيتەتتەردٸڭ بەرٸندە پلاگياتتى تەكسەرەتٸن جٷيەلەر ورناتىلدى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ٷكٸمەت وتىرىسىندا ايتتى, دەپ حابارلايدى قازاقپارات.
«بٸلٸم بەرۋ باعدارلامالارىنىڭ ساپاسىن ارتتىرۋ ٷشٸن ۋنيۆەرسيتەتتەرگە اكادەمييالىق جەنە اتقارۋشى دەربەستٸك بەردٸك. وسىعان وراي, ولار بٸلٸم بەرۋ باعدارلامالارىن دايىنداعاندا مينيسترلٸك بەكٸتكەن ٷلگٸلٸك وقۋ جوسپارلارىنىڭ ورنىنا جۇمىس بەرۋشٸلەردٸڭ كەسٸپتٸك ستاندارتتارىن نەگٸزگە الاتىن بولدى. تيٸسٸنشە جوعارى وقۋ ورىندارى بٸلٸم بەرۋ باعدارلامالارىن ٶز بەتٸنشە ەزٸرلەۋگە كٶشٸپ, 9 371 باعدارلاما ەزٸرلەندٸ», - دەدٸ اسحات ايماعامبەتوۆ.
مينيستر تٶرتٸنشٸ يندۋسترييالىق رەۆوليۋتسييانىڭ ەسەرٸنەن ەلەمدٸك ەڭبەك نارىعىندا «داعدىلاردىڭ تەز ەسكٸرۋٸ» قالىپتى جاعدايعا اينالعانىن ەسكە سالدى.
«ٶمٸر بويى بٸر ديپلوم» ستسەناريٸ ەندٸ ماڭىزدى ەمەس. سوندىقتان پرەزيدەنتتٸڭ تاپسىرماسى بويىنشا ٶمٸر بويى وقۋ تۇجىرىمداماسى ەزٸرلەندٸ. بۇل جۇمىستىڭ ارقاسىندا ۋنيۆەرسيتەتتەر فورمالدى ەمەس جەنە ينفورمالدى بٸلٸم الۋدىڭ نەتيجەلەرٸن تانىپ, قابىلدايتىن بولادى», - دەدٸ ۆەدومستۆو باسشىسى.
ونىڭ مەلٸمەتٸ بويىنشا, ەلدەگٸ جوعارى وقۋ ورىندارىنا اكادەمييالىق ادالدىق تالاپتارىن ساقتاۋ مٸندەتٸ جٷكتەلٸپ وتىر. ۆەدومستۆو پلاگيات پروبلەماسىمەن وسىلايشا كٷرەسپەكشٸ.
«ەندٸ اكادەمييالىق ادالدىق قاعيداتتارىن بۇزعان ستۋدەنتتەردٸ وقۋدان شىعارۋعا مٷمكٸندٸك بار. بارلىق ديپلومدىق جۇمىستاردى, جازباشا جۇمىستاردى جٶنسٸز كٶشٸرٸپ الۋدى بولعىزباۋ ٷشٸن مٸندەتتٸ تٷردە تەكسەرۋ نورماسى ەنگٸزٸلدٸ جەنە ۋنيۆەرسيتتەردٸڭ بەرٸندە وسى تەكسەرۋ جٷيەلەرٸ ورناتىلدى», - دەدٸ مينيستر.
