2021 جىلدىڭ اقپانىنا دەيٸن تۇرعىن ٷيلەرگە قىزمەت كٶرسەتەتٸن مٷلٸك يەلەرٸ بٸرلەستٸگٸ (ميب) ۇيىمدارى قۇرىلادى. بۇل تۋرالى «تۇرعىن ٷي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق ەدٸستەمە جەنە ايماقتىق دامۋ دەپارتامەنتٸ باسشىسىنىڭ ورىنباسارى مارعۇلان ەبدٸكەرٸموۆ ايتتى, دەپ حابارلايدى قازاقپارات.
«مٷلٸك يەلەرٸنٸڭ بٸرلەستٸگٸ ۇيىمدارى ەر تۇرعىن ٷي كەشەنٸندە قۇرىلاتىن بولادى. بۇل بۇرىنعى پەتەر يەلەرٸ كووپەراتيۆٸنٸڭ قىزمەتٸن اتقارادى. دەگەنمەن, ايىرماشىلىعى كٶپ. مەسەلەن, بٸر پيك ونداعان, تٸپتٸ جٷزدەگەن تۇرعىن ٷيگە سەرۆيستٸك قىزمەت كٶرسەتەدٸ. وعان پەتەر يەلەرٸ اي سايىن قاجەتتٸ قاراجات اۋدارادى. وسى جەردەگٸ كەمشٸلٸك – ازاماتتار اۋدارعان اقشا بٸر قورجىنعا تٷسٸپ وتىردى. ونى پيك قايدا جۇمسايتىنىن, نە ساتىپ الاتىنىن ەشكٸم باقىلاي المايدى. سوندىقتان پودەزدەرگە جٶندەۋ جاساۋ, ليفتٸلەردٸ باقىلاۋ جەنە باسقا دا سەرۆيستٸك قىزمەتتەردٸ ۋاقىتىنان كەش جاساپ جٷر. ال مٷلٸك يەلەرٸنٸڭ بٸرلەستٸگٸ ۇيىمى بٸر تۇرعىن ٷيدٸڭ شەڭبەرٸندە قۇرىلادى, سەيكەسٸنشە بٸر ەسەپشوت اشىلادى جەنە تەك سول باسپانانى تولىق قامتاماسىز ەتۋگە مٷددەلٸ», - دەدٸ مارعۇلان جەڭٸسۇلى.
ونىڭ ايتۋىنشا, مٷلٸك يەلەرٸ بٸرلەستٸگٸ ۇيىمىنىڭ تٶراعاسى جينالىس ٶتكٸزٸپ, تۇرعىندار اراسىنان 3 ادامنان تۇراتىن «ٷي كەڭەسٸن» سايلايدى. ولار قاجەتتٸ جۇمىستاردىڭ جوسپارىن جاساۋى تيٸس.
«ميب-تٸ قۇرۋ تۋرالى جينالىس ٶتكٸزگەن ۋاقىتتا وعان كەم دەگەندە تۇرعىنداردىڭ 50% قاتىسۋى كەرەك. قازٸرگٸ كارانتين تالاپتارىنا سەيكەس, كٶپ ادام جينالۋعا بولمايدى. سوندىقتان ولار پەتەر يەلەرٸنە ارنايى ساۋالناما قاعازدارىن تاراتىپ, پٸكٸرٸن بٸلۋٸ تيٸس. كەيٸن ازاماتتار اقىلداسا وتىرىپ, 3 جىلعا «ٷي كەڭەسٸن» بەكٸتٸپ, تيٸستٸ قۇجاتتاردى حالىققا قىزمەت كٶرسەتۋ ورتالىعىنا تاپسىرۋى قاجەت. وسى جۇمىستار اياقتالعان سوڭ, مٷلٸك يەلەرٸنٸڭ بٸرلەستٸگٸ ۇيىمى قىزمەتٸن باستاي الادى. بۇل مەحانيزم قاراجاتتىڭ اشىقتىعىن دا قامتاماسىز ەتە الادى. ەر اي سايىن اتقارىلعان قىزمەتتەر مەن جۇمسالعان قاراجات تۋرالى ميب تۇرعىندارعا ەسەپ بەرٸپ وتىرۋى قاجەت», - دەپ اتاپ ٶتتٸ «تۇرعىن ٷي-كوممۋنالدىق شارۋاشىلىعىن جاڭعىرتۋ مەن دامىتۋدىڭ كازاقستاندىق ورتالىعى» اق ەدٸستەمە جەنە ايماقتىق دامۋ دەپارتامەنتٸ باسشىسىنىڭ ورىنباسارى مارعۇلان ەبدٸكەرٸموۆ.
سونداي-اق, مارعۇلان جەڭٸسۇلىنىڭ مەلٸمەتٸنشە, پەتەر يەلەرٸ كووپەراتيۆٸ اتالعان ۇيىم قۇرىلعان سەتتە بٸردەن جابىلمايدى. پيك 2022 جىلدىڭ 1 شٸلدەسٸنە دەيٸن قىزمەتٸن جالعاستىرادى.
ايتا كەتەيٸك, مٷلٸك يەلەرٸنٸڭ بٸرلەستٸگٸ سيياقتى مەحانيزم گەرمانييا, پولشا ەلدەرٸندە قارقىندى دامىعان. وتاندىق جٷيەنٸ جاساۋدا اتالعان مەملەكەتتەردٸڭ تەجٸريبەلەرٸ نەگٸزگە الىنعان.
