فيلوسوفييا (PhD) دوكتورى دەرەجەلەرٸنە ٷمٸتكەرلەر ٷشٸن حالىقارالىق رەيتينگتٸك باسىلىمداردا جارييالانۋ تالابى جاس عالىمداردىڭ اكادەمييالىق جازۋ دەڭگەيٸن جوعارىلاتۋعا سەپتٸگٸن تيگٸزەدٸ. بۇل تۋرالى مەجٸلٸس دەپۋتاتتارىنىڭ رەسمي ساۋالىنا وراي قر پرەمەر-مينيسترٸ باقىتجان ساعىنتاەۆتىڭ جاۋابىندا ايتىلعان.
«قازاقستاندىق فيلوسوفييا (PhD) دوكتورى ديپلومدارىنىڭ حالىقارالىق بٸلٸم بەرۋ كەڭٸستٸگٸندە سالىستىرىمدىلىعى دوكتورانتتار دايارلاۋدىڭ جەنە قورعالاتىن ديسسەرتاتسييالار دەڭگەيٸنٸڭ جوعارى ساپاسىن كٶزدەيدٸ. بۇل 2011 جىلى دوكتورانتۋرانىڭ جاڭا مودەلٸن ەنگٸزۋ كەزٸندە Clarivate Analytics دەرەكتەر بازاسىندا يمپاكت-فاكتورى بار نەمەسە Scopus بازاسىنا كٸرەتٸن شەتەلدٸك باسىلىمداردا جارييالانىم بولۋ تالابىنىڭ ماقساتقا ساي ەكەندٸگٸن ايقىنداپ بەردٸ. قر بٸلٸم جەنە عىلىم مينيسترٸنٸڭ 2011 جىلعى 31 ناۋرىزداعى № 127 بۇيرىعىمەن بەكٸتٸلگەن دەرەجەلەر بەرۋ قاعيدالارىنا سەيكەس دوكتورانتتىڭ جەتٸ جارييالانىمىنىڭ بٸرەۋٸ حالىقارالىق رەتسەنزييالاناتىن باسىلىمدا جارييالانۋى قاجەت», - دەدٸ باقىتجان ساعىنتاەۆ.
بۇل رەتتە, ٷكٸمەت باسشىسىنىڭ اتاپ ٶتۋٸنشە, تەحنيكالىق باعىتتارمەن سالىستىرعاندا دوكتورانتۋرانىڭ گۋمانيتارلىق دايارلىق باعىتتارى ٷشٸن تاڭداۋ كٶبٸرەك - شەتەلدٸك جۋرنال Clarivate Analytics اقپاراتتىق كومپانيياسىنىڭ دەرەكتەر بازاسىندا (Web of Science Core Collection) نٶلدٸك ەمەس يمپاكت-فاكتورعا يە نەمەسە يندەكساتسييالاناتىن بولۋى كەرەك نەمەسە Scopus, JSTOR بازالارىنا كٸرۋٸ قاجەت.
«2017 جىلعى 581 تٷلەكتٸڭ ٸشٸنەن 406 دوكتورانت نەمەسە شامامەن 70% ديسسەرتاتسييالارىن قورعادى. ولاردىڭ بارلىعى ديسسەرتاتسييالارىن قورعاعانعا دەيٸن شەتەلدٸك ماقالالار جارييالاعان. ۋاقىتىندا قورعالمايتىن دوكتورلىق ديسسەرتاتسييالار پروبلەماسى جوو-دا دوكتورانتتاردى دايارلاۋ ساپاسى مەن باقىلاۋ مەسەلەسٸنە جاتادى. Clarivate Analytics جەنە Scopus بازاسىنا كٸرەتٸن شەتەلدٸك باسىلىمداردىڭ نەگٸزگٸ ٶلشەمشارتتارى - ماقالانىڭ ساپاسى مەن ونىڭ بٸرەگەيلٸگٸ, حالىقارالىق نەمەسە جاھاندىق كٶزقاراس, قورىتىندىلاردىڭ شىنايىلىعى مەن وبەكتيۆتٸلٸگٸ, لوگيكالىق مازمۇندالعان دەلەلدەمەسٸ. سونىمەن قاتار, بازالاردا يندەكساتسييالانۋ ٷشٸن جۋرنالدار جارييالانىمداردىڭ حالىقارالىق سيپاتىن جەنە اۆتورلاردىڭ كەڭ گەوگرافيياسىن كٶرسەتۋٸ تيٸس. شەتەلدٸك رەيتينگتٸك باسىلىمداردا جارييالانۋ مٷمكٸندٸگٸ دوكتورانتتاردى دايارلاۋ باعىتىنا تەۋەلدٸ ەمەس», - دەپ اتاپ ٶتەدٸ ٷكٸمەت باسشىسى.
ونىڭ دەرەگٸنشە, سوڭعى 3 جىلدا جالپى قورعاۋلار ٸشٸندە گۋمانيتارلىق بەيٸندەگٸ دوكتورانتتار سانى 29 پايىزدى قۇرايدى جەنە ولاردىڭ بەرٸندە تالاپ ەتٸلەتٸن شەتەلدٸك جارييالانىم بار. بۇل رەتتە, دوكتورانتۋرانىڭ بٸلٸم بەرۋ باعدارلاماسى رەيتينگتٸك شەتەلدٸك باسىلىمداردا ديسسەرتاتسييالار نەتيجەلەرٸن جارييالاۋ ٷشٸن جەتكٸلٸكتٸ مٷمكٸندٸكتەر جاسايدى. ايتالىق, دوكتورانتۋرا بويىنشا مەملەكەتتٸك جالپىعا مٸندەتتٸ بٸلٸم بەرۋ ستاندارتىنا سەيكەس دوكتورلىق ديسسەرتاتسييا جٶنٸندەگٸ عىلىمي كونسۋلتانتتاردىڭ بٸرٸ بولىپ شەتەلدٸك عالىم تاعايىندالادى. سونداي-اق دايارلىق باعىتىنا قاراماستان بارلىق دوكتورانتتار شەتەلدە عىلىمي تاعىلىمدامادان ٶتۋگە تيٸس. Clarivate Analytics جەنە Scopus دەرەكتەر بازاسىنداعى گۋمانيتارلىق باعىتتار بويىنشا رەيتينگتٸك جۋرنالداردىڭ سانى دوكتورانتتاردىڭ زەرتتەۋلەرٸنە سايكەس كەلەتٸن جۋرنالدى تابۋعا جەتكٸلٸكتٸ. Clarivate Analytics دەرەكتەر بازاسىندا يمپاكت-فاكتورى بار جۋرنالداردىڭ 22 پايىزى (1700) ەلەۋمەتتٸك عىلىمدارعا جاتقىزىلعان. Scopus بازاسىندا ەلەۋمەتتٸك (گۋمانيتارلىق) عىلىمدار جەنە ٶمٸر تۋرالى عىلىمدار بويىنشا باسىلىمدار تيٸسٸنشە 24 پەن 15 پايىزدى قۇرايدى.
«سونىمەن بٸرگە, دوكتورانتتار مەن عىلىمي اتاقتارعا ٷمٸتكەرلەردٸڭ عىلىمي قىزمەتٸنٸڭ نەتيجەلەرٸن جارييالاۋعا ساپاسى جوعارىلاۋ رەيتينگتٸك جۋرنالداردى ٸرٸكتەۋ ٷشٸن قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ تاپسىرماسىنا سەيكەس دەرەجەلەر بەرۋ قاعيدالارىنا جەنە عىلىمي اتاقتار (قاۋىمداستىرىلعان پروفەسسور (دوتسەنت), پروفەسسور) بەرۋ ەرەجەسٸنە بيبليومەترييالىق كٶرسەتكٸشتەردٸ (Clarivate Analytics كومپانيياسىنىڭ Journal Citation Reports دەرەگٸ بويىنشا كۆارتيل جەنە Scopus بازاسى بويىنشا CiteScore پروتسەنتيل كورسەتكٸشٸ) پايدالانۋدى كٶزدەيتٸن ٶزگەرٸستەر ەنگٸزٸلۋدە. وسىلايشا, فيلوسوفييا (PhD) دوكتورى, بەيٸنٸ بويىنشا دوكتور دەرەجەلەرٸنە ٷمٸتكەرلەر ٷشٸن حالىقارالىق رەيتينگتٸك باسىلىمداردا جارييالانۋ تالابى جاس عالىمداردىڭ اكادەمييالىق جازۋ دەڭگەيٸن جوعارىلاتۋعا, سونداي-اق ۇلتتىق گۋمانيتارلىق عىلىمدى حالىقارالىق عىلىمي كەڭٸستٸكتە بٸرەگەي ەلەۋمەتتٸك بٸلٸم رەتٸندە تانىمال ەتۋگە باعىتتالعان», - دەدٸ پرەمەر-مينيستر.
