Pfizer ۆاكتسيناسىمەن اقىلى ەكپە جاساۋ مٷمكٸن ەمەس. بۇل تۋرالى قر دەنساۋلىق ساقتاۋ ۆيتسە-مينيسترٸ جاندوس بٷركٸتباەۆ ايتتى, دەپ حابارلايدى قازاقپارات.
«بٷگٸندە ۆاكتسينانىڭ بٸرٸنشٸ كومپونەنتٸن 10 ملن-نان استام ادام الدى. سپۋتنيك V ۆاكتسيناسى 6,3 ملن, QazVac ۆاكتسيناسى شامامەن 800 مىڭ, «سينوفارم» ۆاكتسيناسى 1,8 ملن, «سينوۆاك» ۆاكتسيناسى 250 مىڭ, Pfizer ۆاكتسيناسى 770 مىڭ ادامعا سالىندى. بۇل ۆاكتسينالاردىڭ ٸشٸندە تٶرتەۋٸ دٷنيەجٷزٸلٸك دەنساۋلىق ساقتاۋ ۇيىمىنىڭ سەرتيفيكاتىنا يە», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, قازٸرگٸ ۋاقىتتا حالىقتىڭ رەۆاكتسيناتسييا كەزٸندە تاڭداۋ جاساۋ مٷمكٸندٸگٸ بار.
«ٶكٸنٸشكە وراي Pfizer كومپانيياسى اقىلى ۆاكتسيناتسييا جاساۋعا كەلٸسٸم بەرمەي وتىر. كومپانييا بۇل تٷپتەپ كەلگەندە جاناما قايتا ساتىلىمعا الىپ كەلەدٸ دەپ سانايدى. دەنساۋلىق ساقتاۋ مينيسترلٸگٸ مەن كومپانييا اراسىنداعى كەلٸسٸمشارتقا سەيكەس, جاناما قايتا ساتىلىمعا رۇقسات بەرٸلمەيدٸ. وسىعان وراي, Pfizer ۆاكتسيناسىمەن اقىلى تٷردە ەكپە جاساۋ مٷمكٸن ەمەس دەگەن شەشٸمگە كەلدٸك. دەگەنمەن, كەشە ۆەدومستۆوارالىق كوميسسييا مٷمكٸندٸگٸ شەكتەۋلٸ جەنە 50 جاستان اسقان ادامداردى رەۆاكتسيناتسييالاۋ تۋرالى شەشٸم قابىلدادى», - دەدٸ جاندوس بٷركٸتباەۆ.
