قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا Pfizer ۆاكتسيناسى نەلٸكتەن اقىلى تٷردە سالىنبايتىنىن تٷسٸندٸردٸ, دەپ حابارلايدى قازاقپارات.
«قر دەنساۋلىق ساقتاۋ مينيسترلٸگٸ ۇزاق ۋاقىت بويى Pfizer ۆاكتسيناسىن جەتكٸزۋشٸ كومپانييامەن پرەپاراتتى اقىلى نەگٸزدە جەتكٸزۋ مەسەلەسٸن پىسىقتاپ كەلدٸ. ٶكٸنٸشكە قاراي, كومپانييا يممۋنداۋعا ارنالعان ۆاكتسينانى اقىلى نەگٸزدە جەتكٸزۋدەن باس تارتتى دەپ ايتۋعا بولادى, ٶيتكەنٸ قازٸر بۇل پرەپاراتقا جاھاندىق كٶلەمدە سۇرانىس بار. ٶزدەرٸڭ كٶرٸپ وتىرعانداي, بارلىق ەلدەردە ۆاكتسينالاۋدان بٶلەك, رەۆاكتسينالاۋ جۇمىستارى, تٸپتٸ ونىڭ ەكٸنشٸ كومپونەنتٸن ەگۋ باستالدى», - دەدٸ ەسماعامبەتوۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
تيٸسٸنشە, ۆاكتسيناعا دەگەن سۇرانىس ەردايىم ارتىپ كەلەدٸ جەنە كومپانييا قازٸر بٸرٸنشٸ كەزەكتە ٷكٸمەتپەن جۇمىس ٸستەيدٸ – ياعني Pfizer كوممەرتسييالىق ساتۋ ٷشٸن پرەپارات جەتكٸزبەيدٸ.
«بٸز ٷشٸن, دەنساۋلىق ساقتاۋ مينيسترلٸگٸ رەتٸندە, ۆاكتسينا العان ادامداردىڭ نەعۇرلىم كٶپ بولعانى كەرەك, ولاردىڭ اقىلى نەمەسە اقىسىز ەكپە العانى ماڭىزدى ەمەس. بٸزدٸڭ ماقساتىمىز – ۆاكتسينالاۋمەن قامتۋدى بارىنشا ارتتىرۋ. سوندىقتان Pfizer-مەن كەلٸسسٶزدەر ۇزاق ۋاقىت جٷرگٸزٸلدٸ, بٸز ۆاكتسينانىڭ قوسىمشا كٶلەمٸن قازاقستانعا اقىلى نەگٸزدە ساتۋ ٷشٸن بارلىق مٷمكٸندٸكتەردٸ پايدالانۋعا تىرىستىق. بٸراق, ٶكٸنٸشكە قاراي, بۇل كومپانييانىڭ ۇستانىمى – كوممەرتسييالىق نەگٸزدە جەتكٸزۋ مٷمكٸن ەمەس», - دەدٸ ايجان ەسماعامبەتوۆا.
