پەتروپاۆل حالىقارالىق ەۋەجايى «Air Astana» ەۋە كومپانيياسىنىڭ لوندوننان كەلگەن ارنايى رەيسٸن قارسى الدى, دەپ حابارلايدى "ۇلت اقپارات".
سقو ەكٸمدٸگٸ ٸشكٸ ساياسات باسقارماسىنىڭ مەلٸمەتٸنشە, ۇشاقپەن 95 قازاقستاندىق كەلدٸ. ولار ەر تٷرلٸ جاعدايعا بايلانىستى شەتەلدە بولعان ەلٸمٸزدٸڭ 13 قالاسىنىڭ تۇرعىندارى.
رەيستٸ ماماندار اسقان قاۋٸپسٸزدٸك شارالارىن ساقتاي وتىرىپ قارسى الدى. بەكٸتٸلگەن الگوريتمگە ساي بارلىق قىزمەتتەردٸڭ ٸس-قيمىلى ٷيلەستٸرٸلدٸ. سانيتارلىق-ەپيدەميولوگييالىق قاۋٸپسٸزدٸك شارالارى ساقتالدى, ياعني ەۋەجاي اۋماعى, جٷك قوياتىن جەنە ورنالاستىرۋ ايماقتارى دەزينفەكتسييالاندى.
ۇشاق جولاۋشىلارى مەن ەكيپاج مٷشەلەرٸن ەكٸمدٸك جەنە پوليتسييا قىزمەتكەرلەرٸ ارنايى باعىت بويىنشا الدىن الا دايىندالعان مەيمانحاناعا جەتكٸزدٸ. مامانداردىڭ ايتۋىنشا, كەلۋشٸلەرگە بار جاعداي جاسالعان.
«جولاۋشىلاردى جەنە ەكيپاج مٷشەلەرٸن پەتروپاۆلداعى كٶپ ادام قابىلداي الاتىن ٷلكەن مەيمانحانالاردىڭ بٸرٸنە ورنالاستىردىق. مەيمانحانادا بارلىق سانيتارلىق-ەپيدەميولوگييالىق تالاپتار ساقتالدى. كەلگەندەر ەكٸ تەۋلٸككە وقشاۋلاندىرىلدى. بۇل جەردە ولار COVID-19 ۆيرۋسىنا الىنعان زەرتحانالىق تالداۋ قورىتىندىسىن كٷتەدٸ. نەتيجەسٸن العاننان كەيٸن تۇرعىلىقتى جەرلەرٸنە, ٷي كارانتينٸندە وتىرۋ ٷشٸن اتتاندىرىلادى», - دەلٸنگەن باسپاسٶز حابارلاماسىندا.
سقو ەكٸمٸنٸڭ ورىنباسارى رۋسلان ەلٸشەۆ بۇعان دەيٸن وسى جاعدايعا بايلانىستى ٶڭٸر تۇرعىندارىنىڭ الاڭداۋىنا نەگٸز جوقتىعىن ايتقان ەدٸ.
