© Sputnik / تيمۋر باتىرشين
پەتروپاۆل قالاسىندا زەينەتكەر ەيەل بٸر اي بويى مەملەكەتتٸك ورگانداردىڭ تابالدىرىعىن توزدىرىپ جٷر.
الماگٷل ەسەنبەردينا تەحنيكالىق اقاۋدىڭ كەسٸرٸنەن بٸرىڭعاي بازادا ٶلٸلەر قاتارىنا ەنٸپ كەتكەن, دەپ حابارلايدى Sputnik قازاقستان اگەنتتٸگٸ كتك ارناسىنا سٸلتەمە جاساپ.
زەينەتكەر "و دٷنيەگە اتتانعانىن" كەزدەيسوق بٸلگەن. جوسپارلى وپەراتسيياعا دايىندالىپ, قۇجات جيناپ جٷرگەندە دەرەكتەرٸ مەديتسينالىق قىزمەتتەر پورتالىندا قايتىس بولعان ادامدار قاتارىنان تابىلدى.
"مەن "ٶلدٸ" دەگەن انىقتامانى الدىم دا, بارلىق مەلٸمەتتٸ تەكسەرٸپ شىقتىم. شىنىمەن دە, مەنٸ ٶلٸ ادام دەپ جازىپ قويعان, ەلٸ دە ەسەڭگٸرەپ وتىرمىن", - دەيدٸ ول.
ونىڭ ايتۋىنشا, تەحنيكالىق اقاۋدىڭ سالدارىنان اقپان ايىنداعى زەينەتاقىنى دا بەرمەي قالۋى ەبدەن مٷمكٸن. ال مەملەكەتتٸك ورگاندار قاتەنٸ تٷزەتۋگە اسىقپاي وتىر, بيۋروكراتييا باسىم.
زەينەتكەر بٸر ايدان بەرٸ تٷرلٸ ينستاتسييالاردىڭ تابالدىرىعىن توزدىرىپ جٷر. حالىققا قىزمەت كٶرسەتۋ ورتالىعىنىڭ ماماندارى دا كٶمەكتەسە المادى.
ولار جەكە سەيكەستەندٸرۋ نٶمٸرٸن قاتىستى ٶزگەرٸستەردٸ ەنگٸزە المايدى ەكەن.
زەينەتكەر پروكۋراتۋراعا شاعىم تٷسٸردٸ. وسىدان كەيٸن ٶلٸم تۋرالى جازبا جويىلدى. وعان ۆاكتسيناتسييالاۋ پاسپورتى دا بەرٸلدٸ.
پەتروپاۆل قالاسىنىڭ پروكۋراتۋراسى قاتەلٸك جاساعان مەملەكەتتٸك ورگاندى انىقتادى. ەكٸباستۇز قالاسىنىڭ ازاماتتىق حال اكتٸلەرٸن تٸركەۋ بٶلٸمٸنٸڭ ماماندارى قايتىس بولعان ادامنىڭ جسن-ىن ەنگٸزگەندە بٸر تسيفردان جاڭىلىسىپ قالعان بولىپ شىقتى. سودان 2021 جىلى 21 جەلتوقساندا الماگٷل ەسەنبەردينا ٶلٸ ادام بولىپ جازىلىپ كەتكەن.
بٷگٸندە ٶلٸم تۋرالى جازبا جويىلسا دا, زەينەتكەر باسقا بازالاردا ەلٸ دە ٶلگەن ادام بولىپ تٸركەلۋٸ مٷمكٸن.
زەينەتكەر كٷيزەلٸسكە تٷسكەنٸن جەنە دەنساۋلىعىنىڭ كٷرت ناشارلاعانىن جەتكٸزدٸ. ەندٸ, بٸر ەمەس, ەكٸ وپەراتسييا جاساتۋى كەرەك.
الماگٷل ەسەنبەردينا كٸنەلٸ ادامداردان مورالدىق شىعىن ٶندٸرٸپ الۋعا مٷددەلٸ.
