پەتروپاۆلدا جۇرتتى الداپ, بٸرنەشە جىل اقشا جيناعان ەر ادام 5 جىلعا سوتتالدى, دەپ حابارلايدى "ۇلت اقپارات".
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 37 جاستاعى پەتروپاۆل تۇرعىنى ەيەلٸن نەمەسە بالالارىن ەمدەيتٸنٸن ايتىپ, 2016 جىلدان بەرٸ تانىستارىنان تٷرلٸ سومادا «قارىزعا» دەپ اقشا الىپ كەلگەن. تٸپتٸ قولحات جازىپ, «ٷستٸنەن اقشا قوسىپ قايتارامىن» دەپ ايتقان.
الايدا, سٶزٸندە تۇرماعان. جينالعان اقشانى ٶزٸنٸڭ قاجەتٸنە جاراتقان. الاياقتىقتىڭ قۇرباندارى ونىڭ قايتا-قايتا ايتقان ۋەدەلەرٸنە سەنٸپ, ەبدەن شىدامدارى تاۋسىلعان سوڭ, تەك 2023 جىلى عانا پوليتسيياعا جٷگٸنە باستاعان.
قىلمىستى تەرگەۋمەن اينالىسقان پەتروپاۆلدىق پوليتسەيلەر وسى ٸسكە قاتىستى 14 ەپيزودتى انىقتادى. الاياق تانىستارىنا 270 مىڭنان 15 ملن تەڭگەگە دەيٸن شىعىن كەلتٸرگەن.
تەرگەۋشٸلەردٸڭ مۇقييات جٷرگٸزگەن جۇمىسىنىڭ نەتيجەسٸندە بۇل ٸس قر قىلمىستىق كودەكسٸنٸڭ 190-بابى «الاياقتىق» بويىنشا سوتقا جٸبەرٸلدٸ. پەتروپاۆل قالالىق سوتى كٷدٸكتٸنٸ ايىپتى دەپ تانىدى. وعان 5 جىلعا باس بوستاندىعىنان ايىرۋ تٷرٸندەگٸ جازا تاعايىندالدى. سونداي-اق ول كەلتٸرگەن شىعىندى دا ٶتەيدٸ.
سوت ٷكٸمٸ زاڭدى كٷشٸنە ەنبەدٸ.
