پەتروپاۆلدا بۇرىن اسا اۋىر قىلمىستار ٷشٸن سوتتالعان ەر ادام 54 جاستاعى ەيەلگە شابۋىل جاساپ, وعان قاتىستى جىنىستىق سيپاتتاعى زورلىق-زومبىلىق جاساۋعا ەرەكەتتەنگەن, دەپ حابارلايدى ult.kz.
وقيعا كٷندٸز جۇمىسشى كەنتٸندە بولعان. بەلگٸسٸز ەر ادام ەيەلگە شابۋىل جاساعانىمەن, جەبٸرلەنۋشٸ قارسىلىق كٶرسەتٸپ, ونىڭ قولىنان بوساپ شىعىپ, كٶشەدە ٶتٸپ بارا جاتقان ادامداردان كٶمەك سۇراعان.
سولتٷستٸك قازاقستان وبلىستىق پوليتسييا دەپارتامەنتٸنٸڭ مەلٸمەتٸنشە, جەدەل ٸزدەستٸرۋ شارالارى بارىسىندا كٷدٸكتٸ ٸزٸن سۋىتپاي ۇستالدى. ول – پەتروپاۆل قالاسىنىڭ 62 جاستاعى تۇرعىنى. قازٸرگٸ ۋاقىتتا ۋاقىتشا ۇستاۋ يزولياتورىنا قامالعان.
پوليتسييانىڭ حابارلاۋىنشا, قازٸر وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر. تەرگەۋ وبلىستىق پوليتسييا دەپارتامەنتٸ باسشىلىعىنىڭ ەرەكشە باقىلاۋىندا. تەرگەۋ مٷددەسٸنە بايلانىستى ٶزگە مەلٸمەت جارييالانبايدى.
بەلگٸلٸ بولعانداي, كٷدٸكتٸ بۇعان دەيٸن قاراقشىلىق, ادام ٶلتٸرەمٸن دەپ قورقىتۋ ارقىلى ەرەكشە قاتىگەزدٸكپەن زورلاۋ جەنە كەمەلەتكە تولماعان بالاعا قاتىستى سەكسۋالدىق سيپاتتاعى زورلىق-زومبىلىق ەرەكەتتەرٸ سيياقتى اسا اۋىر قىلمىستارى ٷشٸن سوتتالعان. سولتٷستٸك قازاقستان وبلىستىق سوتىنىڭ 1999 جىلعى 28 جەلتوقسانداعى ٷكٸمٸمەن ول 25 جىلعا باس بوستاندىعىنان ايىرىلعان.
ەر ادام جازاسىن تولىق ٶتەپ, 2024 جىلعى 12 قاڭتاردا №51 مەكەمەسٸنەن بوساتىلعان. كەيٸن ايىرتاۋ اۋداندىق سوتىنىڭ 2023 جىلعى 27 قاراشاداعى قاۋلىسىمەن وعان سوتتىلىعى جويىلعانعا دەيٸن سەگٸز جىل مەرزٸمگە ەكٸمشٸلٸك قاداعالاۋ بەلگٸلەنگەن.
پوليتسييا قىلمىستىق ٸس بويىنشا تەرگەۋ جالعاسىپ جاتقانىن اتاپ ٶتتٸ. سونداي-اق كٷدٸكتٸنٸڭ كٸنەسٸ سوتتا دەلەلدەنگەنگە دەيٸن قازاقستان رەسپۋبليكاسىنىڭ زاڭناماسىنا سەيكەس ول كٸنەسٸز دەپ ەسەپتەلەتٸنٸن ەسكەرتتٸ.
