پەتروپاۆلدا 13 جاستاعى قىزعا قاتىستى سەكسۋالدىق زورلىق-زومبىلىق جاساعان 37 جاستاعى ەر ادام مەن ونىڭ 32 جاستاعى ەيەلٸ سوتتالدى. ەر ادام ٶمٸر بويىنا باس بوستاندىعىنان ايىرىلسا, ەيەلٸنە 20 جىل جازا تاعايىندالدى, دەپ حابارلايدى ult.kz.
سوت ماتەريالدارىنا سەيكەس, ەرلٸ-زايىپتى پەتروپاۆلداعى جۇمىسشى كەنتٸندە تۇرعان. ەر ادام كونديتەر, ال ەيەلٸ سانيتار بولىپ جۇمىس ٸستەگەن. ولاردىڭ ەكٸ بالاسى بار.
وقيعا بولعان كٷنٸ ەر ادامنىڭ ٷيٸنە تۋىسى 13 جاستاعى تانىس قىزىمەن بٸرگە قوناققا كەلگەن. كەيٸن كەمەلەتكە تولماعان قىزعا قاتىستى سەكسۋالدىق زورلىق-زومبىلىق جاسالعان.
وقيعا تۋرالى قىزدىڭ اتا-اناسى بٸلگەننەن كەيٸن پوليتسيياعا ارىزدانعان. كەمەلەتكە تولماعان جەبٸرلەنۋشٸگە قاتىستى قىلمىستىق ٸس بويىنشا سوت وتىرىستارى جابىق رەجيمدە ٶتتٸ.
سوت ەر ادامدى كەمەلەتكە تولماعانعا قاتىستى سەكسۋالدىق سيپاتتاعى زورلىق-زومبىلىق ەرەكەتتەرٸن جاساعانى ٷشٸن كٸنەلٸ دەپ تانىپ, ٶمٸر بويىنا باس بوستاندىعىنان ايىرۋ جازاسىن تاعايىندادى. ول جازاسىن تٶتەنشە قاۋٸپسٸزدٸك مەكەمەسٸندە ٶتەيدٸ.
ال ونىڭ ەيەلٸ قىلمىسقا جەردەمدەسكەنٸ ٷشٸن كٸنەلٸ دەپ تانىلىپ, 20 جىلعا باس بوستاندىعىنان ايىرىلدى. ول جازاسىن ورتاشا قاۋٸپسٸزدٸك مەكەمەسٸندە ٶتەيدٸ.
سونىمەن قاتار سوت جەبٸرلەنۋشٸ تاراپتىڭ تالابىن قاناعاتتاندىرىپ, سوتتالعانداردى قىزعا كەلتٸرٸلگەن مورالدىق زييان ٷشٸن 6 ملن تەڭگە تٶلەۋگە مٸندەتتەدٸ. بۇعان قوسا, سوت ساراپتامالارىن جٷرگٸزۋگە جۇمسالعان **3,6 ملن تەڭگە شىعىندى** دا سوتتالعاندار ٶتەيدٸ.
سوت ولاردىڭ ەكٸ بالاسىنا قاتىستى دا جەكە قاۋلى شىعارىپ, ولاردىڭ ەكەۋٸن دە قورعانشىلىق جەنە قامقورشىلىق ورگاندارىنا بەرۋدٸ تاپسىردى.
سوت ٷكٸمٸ ەزٸرگە زاڭدى كٷشٸنە ەنگەن جوق.
