پەتروپاۆل قالاسى مەن قىزىلجار اۋدانى 9 قاراشادان باستاپ كارانتينگە جابىلادى. كوروناۆيرۋس ينفەكتسيياسىنىڭ تارالۋىنا جول بەرمەۋ ماقساتىندا بۇل ەلدٸ مەكەندەرگە كٸرٸپ-شىعۋعا تىيىم سالىنادى, دەپ حابارلايدى "ۇلت اقپارات".
سولتٷستٸك قازاقستان وبلىسى سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى تاتيانا گورلوۆا بريفينگ بارىسىندا باس سانيتارييالىق دەرٸگەردٸڭ جاڭا قاۋلىسىمەن تانىستىردى.
9 قاراشا ساعات 00.00-دەن باستاپ پەتروپاۆل قالاسى مەن قىزىلجار اۋدانى كارانتينگە جابىلىپ, پەريمەتر بويىنشا بلوكپوستار قويىلادى. ەلدٸ مەكەندەرگە كٸرٸپ-شىعۋعا تىيىم سالىنادى. الايدا, ارنايى قىزمەتتەرگە, مەديتسينالىق تەكسەرٸلۋگە كەلگەندەرگە, جۇمىس ورنى بەرگەن انىقتاماسى بار كەلٸپ-كەتٸپ ٸستەيتٸن جۇمىسشىلارعا كٸرٸپ-شىعۋعا رۇقسات بەرٸلەدٸ.
«قالعاندارى كارانتيندٸك شەكتەۋ كٷشەيتٸلگەن ايماقتان شىعۋ نە كەرٸسٸنشە كٸرۋ قاجەت بولعان جاعدايدا پتر-تەست جاساتۋلارى قاجەت. ونىڭ نەتيجەسٸ تەك 3 كٷنگە عانا جارامدى. بۇل انىقتاما 5 جاسقا دەيٸنگٸ بالالارعا قاجەت ەمەس», - دەيدٸ تاتيانا گورلوۆا.
مامانننىڭ ايتۋىنشا, كارانتيندٸك شەكتەۋ شارالارى كٷشەيتٸلگەن اۋماقتا ادام كٶپ جينالاتىن تٷرلٸ سپورتتىق, مەدەني ٸس-شارالاردى, توي-تومالاقتاردى ٶتكٸزۋگە تىيىم سالىندى. سونداي-اق وتباسىلىق جەنە باسقا دا تٷرلٸ ٸس-شارالاردى ٶتكٸزۋگە جەكەمەنشٸك ٷيلەردٸ جالعا بەرۋگە تىيىم بار.
«كينوتەاترلار, تٷنگٸ كلۋبتار, بالالاردىڭ ويىن الاڭدارى, فۋد-كورتتار, ويىن-ساۋىق مەكەمەلەرٸ, اكۆاپاركتەر جەنە دٸنە مەكەمەلەردٸڭ جۇمىسى ۋاقىتشا توقتاتىلدى. مەديتسينالىق ورتالىقتار الدىن الا جازىلۋ بويىنشا قابىلداي الادى. ساۋدا ٷيلەرٸ مەن دٷكەندەردٸڭ جۇمىس ۋاقىتى دا شەكتەلەدٸ.
«وبلىستا كۆي جۇقتىرعانداردىڭ 56% پەتروپاۆلعا تيەسٸلٸ. ال قىزىلجار اۋدانىندا 8% ارتقان. بۇل - ٶتە ٷلكەن كٶرسەتكٸش. وبلىستا اۋىرىپ جاتقان ناۋقاستاردىڭ 46% - 50 جاستان اسقاندار. سول سەبەپتٸ بارلىق وبلىس تۇرعىندارىن ساقتىق شارالارىن ۇستانۋعا شاقىرامىن. قولعا الىنعان ٸس-شارالارعا تٷسٸنٸستٸكپەن قاراۋلارىڭىز كەرەك», - دەيدٸ سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى تاتيانا گورلوۆا.
