Petropavl qalasy men Qyzyljar aýdany 9 qarashadan bastap karantinge jabylady. Koronavirýs infektsiiasynyń taralýyna jol bermeý maqsatynda bul eldi mekenderge kirip-shyǵýǵa tyiym salynady, dep habarlaidy "Ult aqparat".
Soltústik Qazaqstan oblysy Sanitariialyq-epidemiologiialyq baqylaý departamenti basshysynyń orynbasary Tatiana Gorlova brifing barysynda bas sanitariialyq dárigerdiń jańa qaýlysymen tanystyrdy.
9 qarasha saǵat 00.00-den bastap Petropavl qalasy men Qyzyljar aýdany karantinge jabylyp, perimetr boiynsha blokpostar qoiylady. Eldi mekenderge kirip-shyǵýǵa tyiym salynady. Alaida, arnaiy qyzmetterge, meditsinalyq tekserilýge kelgenderge, jumys orny bergen anyqtamasy bar kelip-ketip isteitin jumysshylarǵa kirip-shyǵýǵa ruqsat beriledi.
«Qalǵandary karantindik shekteý kúsheitilgen aimaqtan shyǵý ne kerisinshe kirý qajet bolǵan jaǵdaida PTR-test jasatýlary qajet. Onyń nátijesi tek 3 kúnge ǵana jaramdy. Bul anyqtama 5 jasqa deiingi balalarǵa qajet emes», - deidi Tatiana Gorlova.
Mamannnyń aitýynsha, karantindik shekteý sharalary kúsheitilgen aýmaqta adam kóp jinalatyn túrli sporttyq, mádeni is-sharalardy, toi-tomalaqtardy ótkizýge tyiym salyndy. Sondai-aq otbasylyq jáne basqa da túrli is-sharalardy ótkizýge jekemenshik úilerdi jalǵa berýge tyiym bar.
«Kinoteatrlar, túngi klýbtar, balalardyń oiyn alańdary, fýd-korttar, oiyn-saýyq mekemeleri, akvaparkter jáne dine mekemelerdiń jumysy ýaqytsha toqtatyldy. Meditsinalyq ortalyqtar aldyn ala jazylý boiynsha qabyldai alady. Saýda úileri men dúkenderdiń jumys ýaqyty da shekteledi.
«Oblysta KVI juqtyrǵandardyń 56% Petropavlǵa tiesili. Al Qyzyljar aýdanynda 8% artqan. Bul - óte úlken kórsetkish. Oblysta aýyryp jatqan naýqastardyń 46% - 50 jastan asqandar. Sol sebepti barlyq oblys turǵyndaryn saqtyq sharalaryn ustanýǵa shaqyramyn. Qolǵa alynǵan is-sharalarǵa túsinistikpen qaraýlaryńyz kerek», - deidi Sanitariialyq-epidemiologiialyq baqylaý departamenti basshysynyń orynbasary Tatiana Gorlova.
