بٷگٸن, ياعني 6 مامىر كٷنٸ ۇلى جەڭٸس كٷنٸ قارساڭىندا سانكت-پەتەربۋرگتە قازاق حالقىنىڭ ماقتانىشى, كەڭەس وداعىنىڭ باتىرى, سنايپەر قىز ەلييا مولداعۇلوۆاعا ەسكەرتكٸش اشىلدى, دەپ حابارلايدى «ۇلت اقپارات» قازاقستان رەسپۋبليكاسىنىڭ رەسەي فەدەراتسيياسىنداعى ەلشٸلٸگٸنٸڭ باسپاسٶز قىزمەتٸنە سٸلتەمە جاساپ.
ەسكەرتكٸشتٸڭ سالتاناتتى اشىلۋىندا قازاقستاننىڭ رەسەيدەگٸ تٶتەنشە جەنە ٶكٸلەتتٸ ەلشٸسٸ يمانعالي تاسماعامبەتوۆ: «باتىرلىق – باسقا قوناتىن باق ەمەس, جٷرەكتەن ەرلٸك بوپ شىعاتىن سىندارلى شاق. ال بٸزدٸڭ حالقىمىز ٷشٸن بۇل – ۇلانىنا عانا ەمەس, قىزدارىنا دا بٸردەي دارىعان ۇلتتىق قاسيەت», - دەپ بابالار رۋحىنا تاعزىممەن باستادى سٶزٸن.
«سوندىقتان دا, تاريحىمىزدىڭ ەربٸر بەتٸ ەل باسىنا كٷن تۋعاندا ەرلەرمەن يىق تەڭەستٸرٸپ, جاۋعا شاپقان باتىر رۋحتى اپالارىمىزدىڭ ەسٸمٸمەن حاتتالىپ, ەل ەسٸندە ساقتالىپ كەلەدٸ. بٷگٸن, مٸنە, سول داڭقتى دەستٷردٸ جالعاستىرۋشى, قازاقتىڭ قايسار قىزى – ەلييا مولداعۇلوۆاعا سانكت-پەتەربۋرگ قالاسىنىڭ تٶرٸنەن ەڭسەلٸ ەسكەرتكٸش اشىلىپ وتىر», - دەپ سٶزٸن ساباقتادى ەلشٸ.
«بٸز ەرجٷرەك جەرلەستەرٸمٸزدٸ ەسكە الىپ قانا قويماي, ۇلى وتان سوعىسىنىڭ بارلىق باتىرلارىنا, سونىڭ ٸشٸندە لەنينگرادتىڭ قورعاۋشىلارىنا قۇرمەت كٶرسەتەمٸز», - دەدٸ يمانعالي نۇرعاليۇلى.
تٶتەنشە جەنە ٶكٸلەتتٸ ەلشٸ «سوعىس تاريح قويناۋىندا قالدى, بٸراق تٷرلٸ بۋىنداعى ۇرپاقتار سول قايعىلى جىلدار مەن ميلليونداعان ادامنىڭ قايعى-قاسٸرەتٸن ەردايىم ەستە ساقتايتىن بولادى. سٶز جوق, بۇل شارا – ۇلى جەڭٸس مەرەكەسٸ قارساڭىندا قاھارمان اپامىزدىڭ رۋحىنا كٶرسەتٸلٸپ وتىرعان ۇلى تاعزىم عانا ەمەس, ەكٸ ەلدٸڭ بٸرلٸگٸ مەن ەرلٸگٸن, ايبىنى مەن داڭقىن پاش ەتەتٸن دارا دٷنيە», - دەپ اياقتادى سٶزٸن.
ەلييا مولداعۇلوۆانىڭ ەسكەرتكٸشٸ سانكت-پەتەربۋرگتٸڭ باتىسىنداعى سكۆەرلەردٸڭ بٸرٸندە, كراسنوگۆاردييا اۋدانىنداعى ٶز اتىنا بەرٸلگەن كٶشەنٸڭ 5-ٸنشٸ ٷيٸندە ورنالاسقان. بيٸكتٸگٸ 3 مەتر قولادان جاسالعان مٷسٸندٸك كومپوزيتسييا قىزعىلت گرانيتتٸ تۇعىرعا ورناتىلعان. وندا باتىردىڭ ەسٸمٸ مەن باتىردىڭ جاپسىرما جۇلدىزى بەدەرلەنگەن. پوستامەنتتٸڭ سىرتقى جاعىندا مەرگەن قىزدىڭ ەرلٸگٸنٸڭ قىسقاشا سيپاتتاماسى قاشاپ جازىلعان.
ەسكەرتكٸشتٸ تۇرعىزۋ سانكت-پەتەربۋرگ ٷكٸمەتٸنٸڭ, قازاقستاننىڭ رەسەيدەگٸ ەلشٸلٸگٸنٸڭ, اقتٶبە جەنە اتىراۋ وبلىسى ەكٸمدٸكتەرٸنٸڭ ىنتىماقتاسا كٷش جۇمساۋىنىڭ ارقاسىندا جٷزەگە استى.
شىعارماشىلىق جوبانىڭ اۆتورى - بەلگٸلٸ قازاق مٷسٸنشٸ ەدٸگە راحماديەۆ. ونىڭ ايتۋىنشا, جاس جەنە سٷيكٸمدٸ قازاق قىزىنىڭ بەينەسٸنٸڭ نەگٸزٸ رەتٸندە ول ەلييانىڭ قانىعىراق ساقتالعان فوتوسۋرەتتەرٸن پايدالانعان. پوستامەنت الماتى وبلىسىنداعى كٷرتٸ كەن ورنىنان جاقسى جەنە ساپالى گرانيتتەن جاسالعان. سكۋلپتۋرا مٷسٸنٸنە ارنالعان قولا دا قازاقستاندا شىققان. سەۋلەت كومپوزيتسيياسىن قۇرۋ جۇمىستارى الماتى وبلىسى, جامبىل اۋدانى, قارعالى اۋىلىندا جٷرگٸزٸلدٸ.
ەلييا مولداعۇلوۆا قازاقستاندا دٷنيەگە كەلگەن, بٸراق ۇلى وتان سوعىسىنىڭ الدىندا لەنينگراد قالاسىندا تۇرىپ, وقىدى. 1941-1942 جىلعى ٷرەيلٸ بلوكادالىق قىستا امان قالعان. 1942 جىلدىڭ ناۋرىز ايىندا ياروسلاۆ وبلىسىنا ەۆاكۋاتسييالانعان. 1943 جىلى ورتالىق ەيەلدەر سنايپەرلٸك مەكتەبٸن بٸتٸرگەننەن كەيٸن 18 جاستاعى قىز 54-شٸ جەكە اتقىشتار بريگاداسىنىڭ 4-شٸ باتالونىنىڭ (22-شٸ ەسكەر, 2-شٸ بالتىق جاعالاۋى مايدانى) مەرگەنٸ بولدى. جاۋىنگەرلٸك ٸس-قيمىلدار بارىسىندا ول جاۋدىڭ 78 سولداتى مەن وفيتسەرٸن جويدى. ەلييا مولداعۇلوۆا 1944 جىلى قاڭتاردا لەنينگراد-نوۆگورود وپەراتسيياسىن ٶتكٸزۋ كەزٸندە پسكوۆ وبلىسىنىڭ كازاچيحا اۋىلىندا شايقاستا ەرلٸكپەن قازا تاپتى.
