اتىراۋ وبلىستىق پەريناتالدىق ورتالىعىندا بٸردە-بٸر دەرٸگەر جۇمىستان شىققان جوق. پەرزەنتحانا شتاتتى رەجيمدە جۇمىس ٸستەپ تۇر, ونىڭ تەك بٸر بٶلٸمشەسٸ عانا جابىلعان. بۇل تۋرالى بٷگٸن اتىراۋ وبلىسىنىڭ ەكٸمٸ نۇرلان نوعاەۆ ايتتى, دەپ حابارلايدى Sputnik قازاقستان.
"پەريناتالدىق ورتالىق جابىلعان جوق. ونىڭ تەك بٸر قاباتى عانا سانيتارلىق نورمالارعا سەيكەس كەلمەگەندٸكتەن جابىلدى. ال سول جەردەگٸ جٷكتٸ ەيەلدەردٸ قالالىق اۋرۋحانالارعا ورنالاستىردىق", - دەدٸ ەكٸم بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە.
ايتۋىنشا, پەرزەنتحاناداعى اۋا اينالىم جٷيەسٸ جٶندەۋدەن ٶتكەن.
"قاجەتتٸ ساراپتاما اياقتالعان سوڭ, جٷكتٸ ەيەلدەردٸ قايتادان سول جەرگە اۋىستىرامىز. پەريناتالدىق ورتالىق جابىلمايدى. ول جۇمىس ٸستەپ جاتىر", - دەپ سەندٸردٸ نوعاەۆ.
توڭازىتقىشتان تابىلعان سەبي ٶلٸمٸنە قاتىستى ٸس قوزعالعاننان كەيٸن پەرزەنتحانا دەرٸگەرلەرٸ جاپپاي جۇمىستان كەتۋ تۋرالى ارىز جازعان ەدٸ.
"قازٸر تٶرت دەرٸگەر ارىزىن كەرٸ قايتارىپ الدى. 28 دەرٸگەرمەن تٷسٸندٸرۋ جۇمىسىن جٷرگٸزۋدەمٸز. ولارعا كەسٸبي مامان رەتٸندە مەديتسيناعا قولداۋ كٶرسەتٸپ, جۇمىسىن ەرٸ قاراي جالعاستىرۋى كەرەكتٸگٸن ايتىپ جاتىرمىز. قازٸر ەشكٸم جۇمىسىنان شىققان جوق", - دەدٸ وبلىس ەكٸمٸ.
توڭازىتقىشتاعى بالا ٶلٸمٸ
4 قازاندا سىبايلاس جەمقورلىققا قارسى ٸس-قيمىل اگەنتتٸگٸ اتىراۋ وبلىستىق پەريناتالدىق ورتالىعىنىڭ جەتەكشٸسٸنە جاڭا تۋعان نەرەستەنٸڭ ٶلٸمٸنە قاتىسى بار دەگەن ايىپ تاعىلعانىن حابارلادى.
پەرزەنتحانادا سەبي تٸرٸ تۋعان. الايدا دەرٸگەرلەردٸڭ سالعىرتتىعىنان قۇجاتتا ٶلٸ دەپ جازىلادى. ولار قاتەنٸ تٷزەتپەۋ ٷشٸن شاقالاقتى توڭازىتقىش كامەراسىندا قالدىرىپ كەتكەن.
بۇل جاعداي ورتالىق جەتەكشٸسٸنە قاتىستى باسقا ٸستٸ تەكسەرۋ كەزٸندە انىقتالعان. بۇعان دەيٸن مەديتسينالىق مەكەمەنٸڭ باسشىسى جەمقورلىققا بايلانىستى ۇستالعانى حابارلانعان ەدٸ.
بالانىڭ ٶلٸمٸنە قاتىستى ەيەلدٸ بوساندىرعان اكۋشەر-گينەكولوگ تا قاماۋعا الىندى.
اتىراۋ وبلىسىندا شىققان شۋدان كەيٸن دەنساۋلىق ساقتاۋ باسقارماسىنىڭ باسشىسى قىزمەتٸنەن كەتٸپ, ەكٸمنٸڭ ورىنباسارىنا قاتاڭ سٶگٸس بەرٸلدٸ.
پەرزەنتحاناداعى سۇمدىقتان كەيٸن پسيحولوگييالىق قىسىمعا شىداماعان دەرٸگەرلەر جۇمىستان شىعۋ تۋرالى جاپپاي ارىز جازا باستادى.
