قر پارلامەنتٸ مەجٸلٸسٸنٸڭ دەپۋتاتى ازات پەرۋاشەۆ سەمەيگە رەسپۋبليكالىق قالا مەرتەبەسٸن بەرۋ مەسەلەسٸن كٶتەردٸ.
وسى ورايدا ول ٷكٸمەت باسشىسى اسقار ماميننٸڭ اتىنا دەپۋتاتتىق ساۋال جولدادى, دەپ حابارلايدى "ۇلت اقپارات".
«بٷگٸنگٸ كٷنٸ اباي جەرٸ سەمەي ٶڭٸرٸندە بٸرقاتار شارالار قولعا الىندى. سەمەي قالاسى مەن ايماعىن كٶتەرۋگە بۇرىن سوڭدى بولماعان قوماقتى قاراجات بٶلٸنٸپ, گٷلدەنۋٸنە كٷش جۇمسالۋدا. ەرينە, حالىق تا سەمەي قالاسىنىڭ ٶسۋٸنە, ٶركەندەۋٸنە قۋانۋدا. ٶيتكەنٸ سەمەي قالاسىنىڭ گەوگرافييالىق ورنى, ەكونوميكالىق دەڭگەيٸ, ساياسي مۇراسى وعان ەبدەن لايىق», - دەپ توقتالدى دەپۋتات.
ا. پەرۋاشەۆ ٶتكەن جىلى ەلباسى نۇرسۇلتان نازارباەۆتىڭ جارلىعىمەن ەجەلگٸ تٷركٸستان قالاسى وبلىس ورتالىعىنا اينالىپ, ال شىمكەنت شاھارىنا رەسپۋبليكالىق دەرەجە بەرٸلگەنٸن ەسكە سالدى. بۇل تاريحي شەشٸم تٷركٸستان ايماعىن بٷكٸل تٷركٸ ەلەمٸنٸڭ ورداسى رەتٸندە قايتادان نىعايتۋعا جول اشتى. شىمكەنت ٶز مەرتەبەسٸن تٷسٸرمەي, ەلٸمٸزدٸڭ بەتكە ۇستار قالالارىنىڭ بٸرٸ رەتٸندە ارى قاراي دامۋدا.
«وسى ورايدا كەر زاماندا قازاقتىڭ رۋحىن كٶتەرگەن, قازاقتىڭ داۋىسىن جەتكٸزٸپ, يٸسٸن تانىتقان اباي رۋحىنىڭ ورداسى - سەمەي قالاسىنا دا تيٸستٸ مەرتەبەسٸن بەرۋ ورىندى دەپ سانايمىز. قۇرمەتتٸ اسقار ۇزاقبايۇلى, ەكٸمشٸلٸك-اۋماقتىق قۇرىلىس تۋرالى زاڭىنىڭ ٷشٸنشٸ بابىنا سەيكەس, رەسپۋبليكالىق ماڭىزى بار قالالار قاتارىنا حالقىنىڭ سانى 1 ميلليون ادامنان اساتىن ەلدٸ مەكەندەر نەمەسە ەرەكشە مەملەكەتتٸك ماڭىزى بار قالالار جاتادى. بٸزدٸڭ ويىمىزشا, سەمەي قالاسى دەل وسى ەرەكشە مەملەكەتتٸك ماڭىزى بار قالا. سوندىقتان وعان رەسپۋبليكالىق مەرتەبە بەرۋ جٶنٸندە مەملەكەت باسشىسىنا ۇسىنىس ەنگٸزۋ مٷمكٸندٸگٸن قاراستىرۋىڭىزدى سۇرايمىز», - دەدٸ ازات پەرۋاشەۆ.
