مەجٸلٸس دەپۋتاتى ازات پەرۋاشەۆ قارجى مينيسترلٸگٸنٸڭ ازاماتتاردىڭ اقشا اۋدارىمدارىن تەكسەرۋگە قاتىستى باستاماسىن قاتاڭ سىنعا الدى, دەپ حابارلايدى "ۇلت اقپارات".
جۋىردا قارجى ۆيتسە-مينيسترٸ بەرٸك شولپانقۇلوۆ ۆەدومستۆو كەلەشەكتە قازاقستاندىقتاردىڭ بانك كارتاسى ارقىلى جاسايتىن وپەراتسييالارىن تەكسەرۋدٸ جوسپارلاپ وتىرعانىن ايتقان ەدٸ. وسى مەلٸمدەمەدەن كەيٸن, پەرۋاشەۆتىڭ ايتۋىنشا, "اق جول" پارتيياسىنا كٶپتەگەن حات تٷسكەن. مەلٸمدەمە قوعامدا ٷلكەن داۋ تۋعىزىپ, سىنعا ٸلٸندٸ.
"ۆيتسە-مينيستردٸڭ تٷسٸنٸكتەمەسٸنە قاراعاندا, بۇل شەشٸمنٸڭ ەكٸ نەگٸزگٸ ماقساتى بار: بٸرٸنشٸسٸ, سالىقتان جالتارعان كەسٸپكەرلەردٸڭ تابىسىن انىقتاۋ; ال ەكٸنشٸسٸ – بيۋدجەتكە تٷسەتٸن سالىقتى ۇلعايتۋ. جاسىرىن تابىستى انىقتاۋعا قاتىستى مىنانى ەسكە سالعىم كەلەدٸ. پرەزيدەنت ٶز جولداۋىندا ٷكٸمەتكە شاعىن بيزنەستٸ 2020 جىلدىڭ 1 قاڭتارىنان ٷش جىلعا تابىس سالىعىنان بوساتۋدى تاپسىردى. بۇدان بٶلەك, شاعىن جەنە ورتا بيزنەستٸ تەكسەرۋگە ٷش جىلعا موراتوريي جارييالادى", - دەدٸ دەپۋتات ٷكٸمەت باسشىسىنىڭ بٸرٸنشٸ ورىنباسارى – قارجى مينيسترٸ ەليحان سمايىلوۆقا جولداعان دەپۋتاتتىق ساۋالىندا.
ونىڭ ٷستٸنە, پەرۋاشەۆ اتاپ ٶتكەندەي, شوب-تان تٷسەتٸن تابىس سالىعى جەرگٸلٸكتٸ بيۋدجەتتەرگە بەرٸلەتٸن بولادى.
"وسىلايشا, شاعىن بيزنەس اينالىمىن ەكٸمشٸلەۋدٸڭ مەنٸ جوعالىپ وتىر. ازاماتتار جەكە كارتاسىمەن ميلليونداپ اقشا اۋدارادى دەپ ويلامايمىن, باسىم بٶلٸگٸنٸڭ قولىندا مۇنداي اقشا دا جوق. قاراپايىم حالىق بانك كارتاسىمەن ازىق-تٷلٸك, دەرٸ-دەرمەك, كيٸم-كەشەك ساتىپ العاندا ەسەپ ايىرىسادى", - دەدٸ ول.
ول بايلار مەن كەدەيلەر اراسىنداعى الشاقتىق تۋرالى ٸرٸ حالىقارالىق اۋديتورلىق كومپانييالاردىڭ بٸرٸ جارييالاعان دەرەكتەردٸ كەلتٸردٸ. زەرتتەۋ نەتيجەسٸ تابىسى جىلىنا 100 مىڭ دوللاردان اساتىن قازاقستاندىقتاردىڭ ٷلەسٸ نەبەرٸ 0,4% ەكەنٸن كٶرسەتكەن. حالىقتىڭ 97%-ٸ جىلىنا 10 مىڭ دوللاردان از تابىس تاپسا, قازاقستاننىڭ بٷكٸل كٸرٸسٸنٸڭ جارتىسى 0,001%-كە نەمەسە 162 ادامعا تيەسٸلٸ ەكەن.
"سوندىقتان, 0,4% ٷشٸن قالعان ازاماتتاردىڭ 99% جامان ەتٸپ كٶرسەتۋدٸڭ قاجەتٸ جوق", - دەدٸ پەرۋاشەۆ.
دەپۋتات كارتا ۇستايتىنداردىڭ دەنٸ كرەديتكە كٷن كٶرٸپ وتىرعانىن جەتكٸزدٸ.
"قۇرمەتتٸ سالىقشىلار, تٶلەم كارتالارىن باقىلاۋ ارقىلى تابىسىن جاسىرعان ميلليونەرلەردٸ تاپپايسىزدار. بۇل ادامدار ٷكٸمەتتەن ەش نەرسە سۇراپ وتىرعان جوق, ٶز نانىن ٶزٸ تاۋىپ جٷر. ودان دا ميلليونداپ پارا بوپسالاپ, ميللياردتارىن وفشورعا شىعاراتىنداردىڭ ٸزٸنە تٷسٸڭٸزدەر", - دەپ كەڭەس بەردٸ مەجٸلٸسمەن.
ايتۋىنشا, ەگەر قازاقستاندا جالپىعا ورتاق دەكلاراتسييا كٷشٸندە بولعاندا, كارتا وپەراتسييالارىن باقىلاۋ ورىندى بولار ەدٸ.
"بٸراق, تابىس دەكلاراتسيياسى 2025 جىلعا دەيٸن شەگەرٸلدٸ. سوندىقتان بۇل باستامانىڭ لوگيكاسى مٷلدە تٷسٸنٸكسٸز", - دەيدٸ ول.
وسى ورايدا دەپۋتات بيۋدجەت اقشاسىن وڭدى-سولدى شاشاتىن ارانى اشىلعان شەنەۋنٸكتەرگە شٷيلٸكتٸ.
"داڭعازا شارالاردى ازايتىڭدار, قىمبات كٶلٸككە مٸنگەندٸ قويىڭدار, سوندا اقشا دا جەتەدٸ, ادامدار دا سالىقتىڭ دۇرىستىعىنا سەنەدٸ", - دەدٸ پەرۋاشەۆ.
سٶز سوڭىندا دەپۋتات "اق جول"فراكتسيياسىنىڭ ٶتٸنٸشٸن جەتكٸزدٸ.
"سٸزدەن ۆيتسە-مينيستر شولپانقۇلوۆتىڭ تٶلەم كارتاسى ارقىلى جاسالاتىن وپەراتسييالاردىڭ جەكەلەگەن تٷرٸنە سالىق سالۋ تۋرالى مەلٸمدەمەسٸن راستاۋدى نەمەسە جوققا شىعارۋدى; ەگەر مينيسترلٸكتٸڭ وسىنداي جوسپارى بولسا, تىم بولماعاندا, ونى شاعىن بيزنەستٸ تابىس سالىعىنان بوساتۋ مەرزٸمٸ اياقتالعانعا دەيٸن ٸسكە اسىرماۋدى سۇرايمىز", - دەدٸ ول.
