جەكسەنبٸ, 14 اقپان كٷنٸ پەرۋ سىرتقى ٸستەر مينيسترٸ ەليزابەت استەتە Covid ەكپەسٸن كەزەكتەن تىس قابىلداعانى ٷشٸن وتستاۆكاعا كەتەتٸنٸن مەلٸمدەدٸ. ٶزٸنٸڭ ايتۋىنشا, ول قىتايلىق Sinopharm كومپانيياسىنىڭ ەكپەسٸن ەلدە كلينيكالىق سىناق ٶتپەي تۇرىپ جەنە جالپىۇلتتىق ۆاكتسينالاۋ باعدارلاماسى باستالماي جاتىپ سالدىرىپ العان.
قىزمەتٸنە بىلتىرعى قاراشادا تاعايىندالعان استەتە ۆاكتسينانى 22 قاڭتار كٷنٸ العانىن, ەكپەنٸ قىتايلىق ۆاكتسينانى سىناقتان ٶتكٸزۋگە جاۋاپتى كاەتانو ەرەديا ۋنيۆەرسيتەتٸ ۇسىنعانىن ايتتى.
"قانداي اۋىر قاتەلٸك جاساعانىمدى تٷسٸنٸپ وتىرمىن. سول سەبەپتٸ ۆاكتسينانىڭ ەكٸنشٸ دوزاسىن قابىلدامايتىن بولدىم. وسىنى العا تارتىپ, پرەزيدەنتكە وتستاۆكا جٶنٸندە ٶتٸنٸش بەردٸم" دەپ جازدى ول Twitter-دە.
بٸر كٷن بۇرىن ەل پرەزيدەنتٸ فرانتسيسكو ساگاستي ۆاكتسينا تٶڭٸرەگٸندەۋ ٶزگە بٸر داۋعا بايلانىستى دەنساۋلىق ساقتاۋ مينيسترٸ پيلار ماتستسەتتيدٸڭ وتستاۆكاسىن قابىلداعانىن مەلٸمدەگەن. مەسەلە پەرۋدٸڭ ەكس-پرەزيدەنتٸ مارتين ۆيسكاررانىڭ كەزەكتەن تىس ۆاكتسينا الۋىنان تۋعان.
بىلتىر قاراشادا جەمقورلىق ايىبىمەن قىزمەتٸنەن كەتٸرٸلگەن ۆيسكاررا ەكپە سالدىرۋ ٷشٸن كەزەكتەن اتتاماعانىن, ۆاكتسينانى سىناق اياسىندا العانىن ايتقان. بٸراق جەرگٸلٸكتٸ باسىلىمدار ەكس-پرەزيدەنتتٸڭ تٷسٸنٸكتەمەسٸنە كٷدٸك كەلتٸردٸ دەپ جازدى Reuters اگەنتتٸگٸ.
قاڭتار ايىنىڭ باسىندا پەرۋ ٷكٸمەتٸ قىتايلىق Sinopharm كومپانيياسىمەن ۆاكتسينانىڭ 38 ميلليون دوزاسىن ساتىپ الۋ جٶنٸندە كەلٸسٸمشارت جاساسقان. ٶتكەن اپتادا وسى كەلٸسٸمشارت اياسىندا تاپسىرىستىڭ 300 مىڭ دوزا كٶلەمٸندەگٸ العاشقى بٶلٸگٸ جەتكٸزٸلگەن. ال ۆاكتسينالاۋ باعدارلاماسى ٶتكەن اپتانىڭ سەيسەنبٸسٸندە عانا باستالعان. ەكپەنٸ بٸرٸنشٸ بولىپ ۆيرۋستى مەدقىزمەتكەرلەرگە سالا باستادى.
دجونس حوپكينس ۋنيۆەرسيتەتٸنٸڭ مەلٸمەتٸنشە, ٸندەت باستالعالى پەرۋدە 1,2 ميلليون ادامنىڭ Covid ينفەكتسيياسىن جۇقتىرعانى راستالعان. ونىڭ 43,7 مىڭى كٶز جۇمعان.
