فوتو: ۆيدەودان سكرينشوت
استاناداعى تەرگەۋ يزولياتورىندا قىزمەتكەردٸڭ ەرەكەتٸنەن جاراقات الدىم دەپ شاعىمدانعان پەريزات قايراتتىڭ مەلٸمدەمەسٸ راستالعان جوق. بۇل تۋرالى استانا قالاسى پوليتسييا دەپارتامەنتٸ رەسمي تٷردە حابارلادى, دەپ جازادى Ult.kz.
9 شٸلدە كٷنٸ پەريزات قايرات پروكۋراتۋراعا رەسمي شاعىم تٷسٸرٸپ, سيزو قىزمەتكەرٸ كامەرا ەسٸگٸن قاتتى جاۋىپ, ٶزٸن قىسىپ كەتكەنٸن ايتقان بولاتىن.
الايدا پوليتسييا بۇل وقيعا بويىنشا بەينەباقىلاۋ جازبالارىن زەرتتەپ, قايراتتىڭ مەلٸمدەمەسٸ دەلەلسٸز ەكەنٸن انىقتاعان.
«كامەرا ەسٸگٸن جاپقان كەزدە جاراقات الدىم دەگەن شاعىم راستالعان جوق. بۇل فاكتٸنٸ تەكسەرۋ كەزٸندە بەينەجازبالاردا مۇنداي وقيعا بولماعانى انىقتالدى», – دەلٸنگەن پوليتسييا مەلٸمدەمەسٸندە.
قازٸرگٸ ۋاقىتتا ٸس بويىنشا تەرگەۋ جالعاسىپ جاتىر. ارنايى سوت-مەديتسينالىق ساراپتاما تاعايىندالعان.
ەسكە سالساق, پەريزات قايرات پەن اناسى عايني الاشباەۆا «Biz Birgemiz Qazaqstan 2030» قايىرىمدىلىق قورى ارقىلى 3 ميلليارد تەڭگەدەن استام قارجىنى جىمقىردى دەگەن كٷدٸكپەن سوتقا تارتىلعان. پەريزات قايرات بۇعان دەيٸن ايىپتى مويىنداماي, جۇرتشىلىققا «شىندىقتى جەتكٸزەمٸن» دەگەن بولاتىن.
