اقش كونگرەسٸنٸڭ ٶكٸلدەر پالاتاسى پرەزيدەنت دونالد ترامپقا "كاپيتولييدەگٸ تەرتٸپسٸزدٸك ٷشٸن" يمپيچمەنت جارييالاۋعا دايىندالىپ جاتىر.
ۆيتسە-پرەزيدەنت مايك پەنستٸڭ اقش كونستيتۋتسيياسىنداعى 25-تٷزەتۋدٸ پايدالانىپ, ترامپتى ىعىستىرىپ, مەملەكەت باسشىسى مٸندەتٸن ۋاقىتشا الۋعا قۇقىعى بار. بٸراق 12 قاڭتاردا پەنس بۇلاي ٸستەۋدەن باس تارتتى.
وسىعان دەيٸن ٶكٸلدەر پالاتاسىنىڭ سپيكەرٸ نەنسي پەلوسي ەگەر ۆيتسە-پرەزيدەنت ترامپتى ىعىستىرۋدان باس تارتسا, 13 قاڭتاردا ٶكٸلدەر پالاتاسى پرەزيدەنتكە يمپيچمەنت جارييالاۋدى داۋىسقا سالادى دەپ مەلٸمدەگەن.
“پرەزيدەنتتٸڭ ٶكٸلەتٸنٸڭ اياقتالۋىنا 8 كٷن قالعان كەزدە سٸز بەن دەموكراتتار فراكتسيياسى ٷكٸمەت جەنە مەنەن 25-تٷزەتۋدٸ پايدالانۋدى سۇراپ وتىرسىزدار. بۇل ۇلتىمىزدىڭ مٷددەسٸنە ساي جەنە كونستيتۋتسيياعا سەيكەس نەرسە دەپ ويلامايمىن” دەلٸنگەن پەنستٸڭ دەموكراتتارعا ارناپ جازعان حاتىندا.
ال 12 قاڭتاردا كاپيتولييدەگٸ تەرتٸپسٸزدٸكتەن كەيٸن العاش رەت جۋرناليستەر الدىنا شىققان پرەزيدەنت دونالد ترامپ دەموكراتتار جوسپارىن ايىپتاپ, بۇل كٶپتەگەن ازاماتتاردىڭ اشۋىنا تيەدٸ دەپ مەلٸمدەدٸ.
پرەزيدەنت 6 قاڭتار كٷنگٸ كاپيتولييدەگٸ تەرتٸپسٸزدٸككە قاتىسى جوعىن ايتادى. بٸراق ترامپ قاتىسقان ميتينگٸدەن كەيٸن وعان قاتىسۋشىلار كاپيتوليي عيماراتىنا باسىپ كٸرٸپ, دجو بايدەننٸڭ جەڭٸسٸن ماقۇلداماق بولعان كونگرەستٸڭ جيىنىن بۇزعان ەدٸ. ترامپ ميتينگٸدە جاقتاستارىن كٷش قولدانۋعا شاقىرماعانىن ايتادى. ول ەلەۋمەتتٸك جەلٸلەردٸڭ اككاۋنتىن بۇعاتتاپ تاستاعانىن ايىپتاي سٶيلەدٸ.
ترامپقا العاش رەت 2019 جىلدىڭ اياعىندا يمپيچمەنت جارييالانعان. ول كەزدە پرەزيدەنت "ٶكٸلەتٸن اسىرا پايدالاندى" دەپ ايىپتالدى. سەناتتا كٶپشٸلٸك بولىپ وتىرعان رەسپۋبليكاشىلدار ونى اقتاپ شىعىپ, ٸزٸنشە ترامپ ٶكٸلەتٸن جالعاستىرا بەرگەن. بٸر جىل ٸشٸندە پرەزيدەنتكە ەكٸ رەت يمپيچمەنت جارييالاۋ اقش تاريحىندا بۇرىن-سوڭدى بولماعان.
