قاراعاندى وبلىسى سەتپاەۆ قالاسىندا پەدوفيلدٸ سوققىعا جىققان پوليتسەي كەپٸلزات تٶلەپ, بوستاندىققا شىقتى, دەپ xابارلايدى قازاقپارات.
"پوليتسييا سەرجانتىنىڭ تۋعان-تۋىستارىنان كەپٸل تٶلەۋ تۋرالى ٶتٸنٸشتٸڭ تٷسۋٸنە بايلانىستى ارنايى پروكۋرور ونى ۋاقىتشا قاماۋ اباقتىسىنان بوساتۋ تۋرالى شەشٸم قابىلدادى. الايدا قر قىلمىستىق كودەكستٸڭ 362-بابى - "قىزمەت بابىن اسىرا پايدالانۋ" بويىنشا قوزعالعان ٸستٸ تەرگەۋ امالدارى اياقتالعانشا پوليتسەي بوستاندىقتا جٷرە الادى. وعان سەتپاەۆ قالاسىنان تىس جەرگە شىعۋعا بولمايدى. سونداي-اق ويىن-ساۋىق ورىندارىنا بارۋعا رۇقسات جوق. ال تەرگەۋشٸ شاقىرسا, بٸردەن كەلۋٸ تيٸس", - دەيدٸ قاراعاندى وبلىستىق پروكۋراتۋرانىڭ باسپاسٶز قىزمەتٸ.
وسى ٸسكە قاتىستى بەس جاسار قىزدى زورلادى دەگەن كٷدٸكپەن ۇستالعان 50 جاستاعى ازامات سوتقا دەيٸنگٸ تەرگەۋ امالدارى اياقتالعانشا ەكٸ ايعا قامالدى.
ايتا كەتەيٸك, 23 شٸلدە كٷنٸ 40 جاستاعى سەتباەۆ تۇرعىنى 5 جاستاعى قىزىنىڭ جوعالىپ كەتكەنٸ تۋرالى حابارلاعان بولاتىن. سول كٷنٸ پوليتسييا قىزمەتكەرلەرٸ 50 جاستاعى جەرگٸلٸكتٸ تۇرعىندى ۇستادى, ونىڭ جاتىن بٶلمەسٸنەن 5 جاستاعى بٷلدٸرشٸن تابىلدى.
تەرگەۋ بارىسىندا پەدوفيل بٷلدٸرشٸن قىزعا زورلىق كٶرسەتۋ ٷشٸن ونى الداعانىن مويىندادى. ول ٶز كٸنەسٸن مويىنداعاننان كەيٸن تەرگەۋشٸ قۇجاتتارىن الىپ كابينەتتەن شىعىپ كەتەدٸ. سول كەزدە بٶلمەدە كٷدٸكتٸمەن بٸرگە قالعان سەرجانت لاۋازىمىنداعى قاراۋىلداردىڭ بٸرٸ ٶزٸن ۇستاي الماي كٷدٸكتٸنٸ سوققىعا جىققان.
