پايدالانىلماي جاتقان جەرلەردٸ قايتارىپ الۋ مەرزٸمٸن قىسقارتۋ بويىنشا زاڭنامالىق مەحانيزمٸ ەزٸرلەنۋدە. بۇل تۋرالى سەناتتىڭ جالپى وتىرىسىندا اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«بۇل رەتتە بارلىق اۋىل شارۋاشىلىعى القاپتارىن ۇتىمدى پايدالانۋعا مەملەكەتتٸك باقىلاۋ جٷرگٸزٸلٸپ جاتقانىن اتاپ ٶتكٸم كەلەدٸ. سونىمەن قاتار, پايدالانىلماي جاتقان جەرلەردٸ قايتارىپ الۋ مەرزٸمٸن 2 جىلدان 1 جىلعا دەيٸن قىسقارتۋ بويىنشا زاڭنامالىق مەحانيزمٸ ەزٸرلەنۋدە», - دەدٸ س. وماروۆ.
مۇنىمەن قوسا مينيستر 2020 جىلعى جەلتوقساندا سالىق كودەكسٸنە زاڭنامالىق تٷزەتۋلەر قابىلدانعانىن ەسكە سالدى.
«وندا پايدالانىلمايتىن جەرلەرگە جەر سالىعىنىڭ مٶلشەرلەمەلەرٸن 10-نان 20 ەسەگە دەيٸن ۇلعايتۋ كٶزدەلگەن, ياعني, ۇتىمسىز جەر پايدالانۋشىلار پايدالانىلمايتىن جەرلەردەن ٶز ەركٸمەن باس تارتۋى ٷشٸن ەكونوميكالىق مەجبٷرلەۋ تەتٸگٸ ٸسكە قوسىلعانىن اتاپ ٶتكٸم كەلەدٸ», - دەدٸ ساپارحان وماروۆ.
ايتا كەتەيٸك, بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن بٸرٸنشٸ وقىلىمدا ماقۇلداندى.
