Paidalanylmai jatqan jerlerdi qaitaryp alý merzimin qysqartý boiynsha zańnamalyq mehanizmi ázirlenýde. Bul týraly Senattyń jalpy otyrysynda Aýyl sharýashylyǵy ministri Saparhan Omarov aitty, dep habarlaidy QazAqparat.
«Bul rette barlyq aýyl sharýashylyǵy alqaptaryn utymdy paidalanýǵa memlekettik baqylaý júrgizilip jatqanyn atap ótkim keledi. Sonymen qatar, paidalanylmai jatqan jerlerdi qaitaryp alý merzimin 2 jyldan 1 jylǵa deiin qysqartý boiynsha zańnamalyq mehanizmi ázirlenýde», - dedi S. Omarov.
Munymen qosa ministr 2020 jylǵy jeltoqsanda Salyq kodeksine zańnamalyq túzetýler qabyldanǵanyn eske saldy.
«Onda paidalanylmaityn jerlerge jer salyǵynyń mólsherlemelerin 10-nan 20 esege deiin ulǵaitý kózdelgen, iaǵni, utymsyz jer paidalanýshylar paidalanylmaityn jerlerden óz erkimen bas tartýy úshin ekonomikalyq májbúrleý tetigi iske qosylǵanyn atap ótkim keledi», - dedi Saparhan Omarov.
Aita keteiik, búgin Senattyń jalpy otyrysynda «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly» zań jobasyn birinshi oqylymda maquldandy.
