كٶرنەكٸ سۋرەت
پاۆلودار قالاسىنىڭ تۇرعىنى گٷلسٸم اياپبەرگەنوۆا Ertis حوككەي كلۋبىنىڭ جاتتىقتىرۋشىسى 11 جاستاعى بالاسىن ۇرعانىن ايتتى. وعان بالالاردىڭ اقتٶبەدەگٸ ماتچتا جەڭٸلٸپ قالۋى سەبەپ بولعان. ەيەل پوليتسيياعا ارىز جازعان. جاتتىقتىرۋشىعا ايىپپۇل سالىنۋى نەمەسە 15 تەۋلٸككە دەيٸن قاماۋعا الىنۋى مٷمكٸن, - دەپ حابارلايدى Tengrinews.kz تٸلشٸسٸ.
"بالالارىمىز الماتىلىق كوماندامەن ويناپ, جەڭٸلٸپ قالعاننان كەيٸن كوماندا جاتتىقتىرۋشىسى كيٸم اۋىستىراتىن بٶلمەدە العاشقى بەس ويىنشىنى ۇرعان. اراسىندا مەنٸڭ ۇلىم دا بولعان. جاتتىقتىرۋشى ٸشٸنەن, بٸرنەشە رەت يىعىنان ۇرعان", - دەپ جازدى زارداپ شەككەن وقۋشىنىڭ اناسى Instagram-دا.
ەيەلدٸڭ ايتۋىنشا, وقيعا بٷكٸل كوماندانىڭ كٶز الدىندا بولعان.
"حوككەي قاتال سپورت ەكەنٸن تٷسٸنەمٸن, بٸراق بۇل ەشكٸمگە بالالاردى ۇرۋعا بولادى دەگەن قۇقىق بەرمەيدٸ. جاتتىقتىرۋشى پيسەگوۆ ۆ.ي. بالالاردى ٷنەمٸ قورلايدى, بالاعاتتايدى, وسىلايشا, ولاردىڭ ەلٸ جەتٸلمەگەن پسيحيكاسىنا ەسەر ەتەدٸ. ونىڭ كٶگەرگەن دەنەسٸن كٶرگەنشە, ۇلىم ۇرىپ-سوققانى تۋرالى ەشتەڭە ايتقان جوق. جاتتىقتىرۋشىعا حابارلاستىم, ول تٸپتٸ سٶيلەسپەدٸ. قازٸر ەشتەڭە بولماعانداي جۇمىسىن جالعاستىرىپ جاتىر", - دەپ اتاپ ٶتتٸ اياپبەرگەنوۆا.
جازباعا پٸكٸر جازعان كەيبٸر تەربيەلەنۋشٸلەردٸڭ اتا-اناسى ونى جاتتىقتىرۋشىعا جالا جاپقىسى كەلەدٸ دەپ ايىپتادى.
"بالامنىڭ ايتۋىنشا, ۇرىپ-سوقپاعان. اتا-انالار, جاتتىقتىرۋشىلار مەن بالالار قاتىسقان جينالىس ٶتتٸ. بالالاردىڭ ەشقايسىسى جاتتىقتىرۋشىنىڭ بٸرەۋدٸ ۇرعانىن راستامادى", - دەدٸ جاس حوككەيشٸلەردٸڭ بٸرٸنٸڭ اناسى.
سونىمەن قاتار, گٷلسٸم اياپبەرگەنوۆادان باسقا, كوماندانىڭ زارداپ شەككەن تاعى بٸر مٷشەسٸنٸڭ اناسى جاتتىقتىرۋشىنىڭ ٷستٸنەن پوليتسيياعا شاعىمدانعان.
"كٷيەۋٸم جانكٷيەر رەتٸندە ماتچقا باردى. ول نۇرەلٸنٸڭ جىلاپ تۇرعانىن كٶرٸپ, سۇراي باستاعان. بٸراق بالا ٷندەمەگەن. كٷيەۋٸم جەڭٸلٸپ قالعاسىن جىلاپ وتىر دەپ ويلاعان. نۇرەلٸمەن بولعان وقيعادان كەيٸن ۇلىمىزدان دا سۇراي باستادىق. ول دا العاشقى بەستٸككە كٸرگەنٸن ايتتى, جاتتىقتىرۋشى ونىڭ يىعىنان ٷش رەت يتەرگەنٸن ايتتى. قالعان بالالار ٷندەمەيدٸ", - دەدٸ ەيەل.
جاتتىقتىرۋشىنىڭ ٶزٸ وقۋشىلاردى ۇرماعانىن, اتا-انالاردىڭ شاعىمدارى جالا ەكەنٸن ايتتى.
"ماتچتان كەيٸن بالالارمەن بٸرگە كيٸم اۋىستىراتىن بٶلمەگە كٸردٸك. ويىندى, جەڭٸلگەنٸمٸزدٸ تالدادىق. بالالارعا قانداي قاتەلٸكتەر جٸبەرٸلگەنٸن, قالاي قورعانۋ, قانداي نەرسەگە نازار اۋدارۋ كەرەگٸن تٷسٸندٸرٸپ, قولىن سىندىرىپ الماس ٷشٸن يىقتى قالاي ۇستاۋ كەرەگٸن كٶرسەتتٸم. بۇل - حوككەي, جاراقات الۋ قاۋپٸ بار سپورت تٷرٸ. بٸراق مەن ەشكٸمدٸ تەپكەن, ۇرعان جوقپىن. بۇل - جالا, قاستاندىق. بۇل كوماندانى التى جىل بويى جاتتىقتىرىپ كەلەمٸن, وسى ۋاقىت ٸشٸندە نۇرەليدٸڭ اناسىنىڭ ٷنەمٸ كٶڭٸلٸ تولمايتىن. بٸراق بالالارعا ەشقانداي شاعىمىم بولعان جوق, نۇرەلٸ كومانداداعى كٶشباسشى جەنە جاقسى نەتيجەلەر كٶرسەتٸپ جٷر", - دەپ تٷسٸندٸردٸ ۆياچەسلاۆ پيسەگوۆ.
تۋريزم جەنە سپورتتى دامىتۋ باسقارماسىنىڭ ٶكٸلٸ سپورت مەكتەبٸندە اتا-انالاردىڭ شاعىمى بويىنشا قىزمەتتٸك تەكسەرٸس باستالعانىن ايتتى. ال پوليتسەيلەر گٷلسٸم اياپبەرگەنوۆانىڭ ٶتٸنٸشٸنەن كەيٸن باپكەرگە قاتىستى ەكٸمشٸلٸك ٸس قوزعاعان.
"بۇل دەرەك پاۆلودار قالاسىنىڭ ورتالىق پوليتسييا بٶلٸمٸندە تٸركەلدٸ. سوت-مەديتسينالىق ساراپتاما نەتيجەلەرٸ بويىنشا كەمەلەتكە تولماعان ادامعا كەلتٸرٸلگەن دەنە جاراقاتتارى جەڭٸل جاراقات تٷرٸنە جاتادى. وسى وقيعا بويىنشا قر ەقبتك-نٸڭ 73-1-بابى بويىنشا ەكٸمشٸلٸك ٸس قوزعالدى, - دەپ تٷسٸندٸردٸ پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸ ٶكٸلٸ.
وسى باپتىڭ سانكتسيياسى بويىنشا 15 ايلىق ەسەپتٸك كٶرسەتكٸشكە ايىپپۇل سالىنۋى نەمەسە 15 تەۋلٸككە دەيٸن قاماۋعا الىنۋى مٷمكٸن.
