ماراپاتقا, جالعان اتاققا قۇمارلىققا ەلٸمٸزدە اسقىنىپ تۇرعان ٸندەت تە توسقاۋىل بولا الماعانى ٶكٸنٸشتٸ! تٸپتٸ پاۆلودار وبلىسى ەكٸمدٸگٸ اقپارات جەنە قوعامدىق دامۋ باسقارماسىنىڭ باسشىسى باۋىرجان قاپەنوۆ ٸندەت كٷيٸپ تۇرعان كەزەڭدٸ اقىرىن عانا قارا باسىنىڭ پايداسىنا جاراتىپ ٷلگەرگەنٸن ايتساڭىزشى!
قاپەنوۆ باسقاراتىن باسقارما 28 ماۋسىم – بايلانىس جەنە اقپارات قىزمەتكەرلەرٸ كٷنٸ قارساڭىندا بۇقارالىق اقپارات قۇرالدارى ٶكٸلدەرٸن تيٸستٸ ماراپاتتارعا ۇسىنۋ مٸندەتٸن ارقالايتىنى بەلگٸلٸ. الايدا باسقارما باسشىسىنىڭ ورىنتاعىنا قونجيعانىنا از عانا ۋاقىت ٶتسە دە, قاپەنوۆ جوعارعى جاقتىڭ سالماقتى ناگراداسىنا ٶزگەنٸ ۇسىنىپ شارشاماي-اق, ٶزٸنە الا سالىپتى. ونى ۇيالماي-قىزارماي فەيسبۋك پاراقشاسىندا جارييا ەتتٸ. جاعىمپازداردىڭ بٸر توبى مەن ونىڭ «قامقورلىعىن» كٶرٸپ جٷرگەندەر, ەرينە, شۋىلداسىپ قۇتتىقتاي كەتتٸ.
قاپەنوۆتٸڭ ەڭبەك جولىنا ٷڭٸلسەك, 1985-1995 جىلدارى پەداگوگيكالىق سالادا ەڭبەك ەتكەن. 1995 -1999 جىلدارى ەلەۋمەتتٸك ساياسات بٶلٸمٸنٸڭ باس مامانى, ٸشكٸ ساياسات بٶلٸمٸ جەنە ەلەۋمەتتٸك-مەدەني سالا مەڭگەرۋشٸسٸ, پاۆلودار قالاسى ەكٸمٸنٸڭ اقپارات جەنە قوعامدىق كەلٸسٸم بٶلٸمٸنٸڭ مەڭگەرۋشٸسٸ بولىپتى. 1999-2009 جىلدارى ٸشكٸ ساياسات باسقارماسىن, پاۆلودار قالاسى ٸشكٸ ساياسات بٶلٸمٸن باسقارعان, سونداي-اق, پاۆلودار قالاسى ەكٸمٸنٸڭ ورىنباسارى قىزمەتٸن اتقارعان.
2009-2011 جىلدارى «پاۆلودارتەلەراديو» كەسٸپورنىنا باسشىلىق ەتٸپ, 2011-2015 جىلدارى وبلىستىق ٸشكٸ ساياسات باسقارماسىنا, 2015-2017 جىلدارى پاۆلودار وبلىسى ەكٸمٸ اپپاراتىنىڭ ۇيىمداستىرۋ-ينسپەكتورلىق بٶلٸمٸنە جەتەكشٸلٸك ەتەدٸ.
كەيٸنگٸ جۇمىس ورنى – پاۆلودار وبلىسى ەكٸمٸ اپپاراتى باسشىسىنىڭ ورىنباسارى.
وسىلايشا ەر قىزمەتتٸڭ باسىن بٸر شالعان قاپەنوۆتٸڭ ٶمٸربايانى ونىڭ اقپارات سالاسىنا قاتىسىنىڭ ازدىعىن, ياعني, سالادا تيٸپ-قاشىپ اراكٸدٸك بٸر-ەكٸ جىلدان عانا ەكٸ رەت جۇمىس ٸستەگەنٸن ايعاقتاپ تۇر.
قاپەنوۆپەن بٸرگە «اقپارات سالاسىنىڭ ٷزدٸگٸ» تٶسبەلگٸسٸمەن ەلٸمٸزدٸڭ ٶزگە ايماقتارىنان ماراپاتتالعاندار تٸزٸمٸنە ٷڭٸلسەڭٸز, بەرٸ دە بۇقارالىق اقپارات قۇرالدارى سالاسىنىڭ وتىمەن كٸرٸپ, كٷلٸمەن شىعىپ جٷرگەندەر. قاراڭىز: دوستان ەلدەسوۆ - «قازاق ٷنٸ» گازەتٸنٸڭ ورىس رەداكتسياسىنىڭ رەداكتورى; عالىم جايلىباي - «قازاقستان جازۋشىلار وداعى» رقب «جۇلدىز» جۋرنالىنىڭ باس رەداكتورى; ۋنەربەك جاناباەۆ - «Qazaqstan» ۇتا اقپاراتتىق-ساراپتامالىق باعدارلامالار ديرەكتسيياسىنىڭ اقپاراتتىق جوبالار بٶلٸمٸنٸڭ تٸلشٸلەر جەلٸسٸنٸڭ تەلەوپەراتورى; ەركٸن جاپپاسۇلى -
«قازاقستان جازۋشىلار وداعى» رقب «قازاق ەدەبيەتٸ» گازەتٸ رەداكتسيياسىنىڭ مەڭگەرۋشٸسٸ. تٸزٸم وسىلاي جالعاسىپ كەتە بەرەدٸ. تٸزٸمدەگٸ كٶپشٸلٸك – وقىرمان مەن كٶرەرمەنگە ماقالالارى مەن سيۋجەتتەرٸ ارقىلى اسا تانىس تۇلعالار. بٸرقاتارى - ماقالاسىمەن تانىلماسا دا, كٷندەلٸكتٸ قىزمەتٸندە ساۋاتتى باسپاسٶز حابارلاماسىن جازىپ, باق-تىڭ شىنايى اقپاراتپەن تولىعۋىنا ٷلەسٸن قوسقاندار. اراسىندا قاپەنوۆ سيياقتى بٸر اقپار جازباستان, ٶزٸنٸڭ قىزمەتتٸك لاۋازىمىن پايدالانىپ مەدال العاندار جوقتىڭ قاسى.
پاۆلودار ٶڭٸرٸندە وسى ماراپاتقا لايىقتى تالاي مايتالمان جۋرناليست بار ەدٸ. بٸراق قاپەنوۆ ولاردىڭ بٸرەۋٸن دە كٶزگە ٸلمەي, ٶزٸنٸڭ قارا باسىن ەسپەتتەپ ەلەك. پاۆلودارلىقتار بۇل جولى قالام ۇستاعان جٷيرٸكتەردٸڭ تٸزٸمٸندە جاپادان-جالعىز جاپالاق قۇساپ جاربيىپ تۇرعان قاپەنوۆ ٷشٸن قاتتى ۇيالىپ وتىر.
وسى تۇستا وقىرمان قاۋىمنىڭ ەسٸنە قاپەنوۆتە مەدالدان جابىسقان «دەرت» بۇرىننان بارىن ەسكەرتە كەتپەي جەنە بولمايدى. ول تۋرالى بەلگٸلٸ اقىن, حالىقارالىق «الاش» ەدەبي سىيلىعىنىڭ يەگەرٸ ارمان قاني جازىپ-جازىپ شارشادى. ارمان اعامىزدىڭ سٶزٸنەن ٷزٸندٸ كەلتٸرەيٸك:
«1989 جىلى ولجاس سٷلەيمەنوۆ «نەۆادا-سەمەي» انتييادرولىق قوزعالىسىن قۇرعاندا پاۆلودار وبلىستىق پارتييا كوميتەتٸنٸڭ ٸ حاتشىسى يۋ.ا. مەششەرياكوۆ سەمەي پوليگونىنىڭ پاۆلودار وبلىسىنا قانداي دا بٸر زيياندىعى جوق دەگەن كٶزقاراستى ۇستاندى. ول كەزدە مەرەكە ابىلقاسىموۆ ماي اۋدانى چاپاەۆ كەڭشارى (قازٸرگٸ ساتى اۋىلى) پارتييا ۇيىمىنىڭ حاتشىسى بولىپ ٸستەيتٸن. ٶزٸنٸڭ وسىنداي پارتييالىق قىزمەتٸنە ەرٸ ٸ حاتشىنىڭ ەلگٸندەي ۇستانىمىنا قاراماستان اۋدان ورتالىعى بەلوگورەدە (قازٸرگٸ كٶكتٶبە) العاشقى انتييادرولىق ميتينگتٸ ۇيىمداستىردى! سٶيتٸپ, وبكوممەن تەكەتٸرەستە امال تاپپاي اڭدىسىپ تۇرعان قوعام بەلسەندٸلەرٸنە جول اشىپ بەردٸ! نەتيجەسٸندە ماي, لەبياجٸ, باياناۋىل اۋداندارى سەمەي يادرولىق سىناق پوليگونىنان زارداپ شەگۋشٸ اۋداندار ساناتىنا ەندٸ دە, ون مىڭداعان ادام تٷرلٸ جەڭٸلدٸكتەرگە, ٶتەماقىعا يە بولدى!
بۇل - مەرەكە ابىلقاسىموۆتىڭ جەنە سىندارلى كەزەڭدە سونىڭ جانىنان تابىلعان ازاماتتاردىڭ ەرلٸككە جەتەعابىل ەڭبەگٸ ەكەنٸن بٸز, «نەۆادا-سەمەي» قوزعالىسىنىڭ ارداگەرلەرٸ جاقسى بٸلەمٸز!
تەك, ەڭ ٶكٸنٸشتٸسٸ, «نەۆادا-سەمەي» قوزعالىسىنا - 25 جىل» مەدالٸ ولاردىڭ ەشقايسىسىنا تيگەن جوق. وسىناۋ ماراپاتتى قوزعالىسقا ەش قاتىسى جوق پاۆلودار وبلىسى ٸشكٸ ساياسات باسقارماسىنىڭ باسشىسى باۋىرجان كاپەنوۆ جەنە ونىمەن جاقسى قارىم-قاتىناستاعى يۋريي پاۆلەنكو سيياقتىلار يەلەنٸپ كەتتٸ»...
يە, ەرتٸستٸڭ كەرەكۋ ٶڭٸرٸندە «نەۆادا-سەمەي» قوزعالىسىنا باۋىرجان قاپەنوۆ دەگەن ازاماتتىڭ ەڭبەگٸ سٸڭٸپتٸ دەگەندٸ ەستٸگەن جان جوق. ەڭبەگٸ سٸڭبەسە دە ول «نەۆادا-سەمەي» قوزعالىسىنا - 25 جىل» مەدالٸن كەۋدەسٸنە ۇيالماي تاعىپ الدى. قىزمەتٸنە بايلانىستى پوليگون تاقىرىبىنداعى كونفەرەنتسييا نەمەسە سەمينار بٸردەڭە ۇيىمداستىرسا, ٶزٸ بٸلەدٸ. بٸراق بٸر مەدالدٸڭ قۇنى بٸر كونفەرەنتسييا ەمەس قوي.
وسى جايتتى ازۋلى اقىن ارمان قاني قاپەنوۆكە دە, ەكٸم-قارالارعا دا تالاي ايتقانىمەن, تىڭدار قۇلاق بولمادى. بولماعانىنىڭ بەلگٸسٸ – قاپەنوۆتٸڭ تاعى بٸر تٶسبەلگٸنٸ تاعىپ الۋى. وسىلايشا, توعىشار باسشى تٶسبەلگٸگە ٶزٸنٸڭ ناعىز يەسٸن تابۋعا كەدەرگٸ بولىپ, وبال قىلدى...
نۇرعالي بايتاق, پاۆلودار وبلىسى
