فوتو: Tengrinews.kz/تۇرار قازانعاپوۆ
پاۆلودارلىق دەرٸگەرلەر قاتتى سوققىعا جىعىلعان 47 جاستاعى ەيەلدٸ اۋرۋحاناعا جاتقىزۋدان ەكٸ رەت باس تارتقان. دەرٸگەرلەر ميى شايقالعان, قابىرعاسى كٶگەرگەن جەنە كٶپتەگەن جاراقاتتارى بار جەبٸرلەنۋشٸنٸ امبۋلاتورلىق ەمدەۋگە جٸبەرگەن, - دەپ حابارلايدى Tengrinews.kz.
دەرٸگەرلەردٸڭ ەرەكەتٸنە قاتىستى شاعىمدى "نەمولچي" قورى Instagram-دا جارييالادى. قوعام بەلسەندٸلەرٸنٸڭ مەلٸمەتٸنشە, پاۆلودارلىق ەيەلدٸ ارالاسقىسى كەلمەگەن بەيتانىس ەر ادام ۇرىپ-سوققان.
"ەيەل جٷرە المايدى, ەشتەڭە كٶرمەي قالعان, قاتتى قۇسىپ جاتىر. ۇرىپ-سوعۋ كەزٸندە ەر ادام ونى اياماي تەپكٸلەگەن. سوققىدان قۋىق پەن تٸك ٸشەگٸ بوساپ قالعان, قازٸر انۋستان قان كەتٸپ جاتىر, قابىرعالارى قاتتى كٶگەرگەن. جەبٸرلەنۋشٸگە دەرٸگەرلەر اۋرۋحاناعا جاتقىزۋدان باس تارتقانى تۋرالى قاعاز بەرٸپ, اۋرۋحاناعا جاتقىزۋعا نەگٸز جوق دەپ, ٷيدەن ەمدەلۋگە جٸبەرگەن", - دەپ جازدى قوعام بەلسەندٸلەرٸ.
انىقتامادا دەرٸگەرلەر اۋرۋحاناعا كەلگەن ەيەلدٸڭ ماس بولعانىن جازادى. جەبٸرلەنۋشٸ دەرٸگەرلەردٸڭ مەديتسينالىق تەكسەرۋگە جٸبەرمەگەنٸن جەنە الكوگولگە قان الماعانىن ايتادى. سوققىدان كەيٸن بٸر كٷننەن كەيٸن ەيەل قايتادان جەدەل جەردەم شاقىرعان.
"29 ناۋرىز كٷنٸ كەشكە مەن قاتتى قۇسا باستادىم. مەنٸڭ جاعدايىمدى ٷيگە كەلگەن پوليتسييا قىزمەتكەرلەرٸ كۋەلٸك جازىپ بەردٸ. جەدەل جەردەم دەرٸگەرلەرٸ مەنٸ اۋرۋحاناعا الىپ كەتتٸ. اۋرۋحانادا ۋزي جاساپ, ەشقانداي اۋرۋىڭ جوق دەپ قايتادان ٷيگە جٸبەردٸ", - دەيدٸ زارداپ شەگۋشٸ.
ەيەلگە كٶمەكتەسۋ ٷشٸن قوعام بەلسەندٸلەرٸ ەلەۋمەتتٸك جەلٸ ارقىلى ٸشكٸ ٸستەر مينيسترلٸگٸ مەن دەنساۋلىق ساقتاۋ مينيسترلٸگٸنٸڭ باسشىلارىنا شىققان.
قازٸر جەبٸرلەنۋشٸ ٷيٸندە. الايدا ەيەلدٸڭ جاعدايى اۋىر. پاۆلودار وبلىسىنىڭ دەنساۋلىق ساقتاۋ باسقارماسى اۋرۋحاناعا جاتقىزۋعا ەشقانداي بەلگٸلەر جوق دەپ سەندٸرەدٸ.
"ناۋقاس تەكسەرٸلٸپ, وعان قاجەتتٸ مەديتسينالىق كٶمەك كٶرسەتٸلدٸ. بٸرقاتار زەرتتەۋلەر جٷرگٸزٸلدٸ, تٸركەلگەن جەرٸ بويىنشا ەمحانادا باقىلاۋعا ۇسىنىلدى. ٶمٸرٸنە قاۋٸپ جوق", - دەپ جاۋاپ بەردٸ بٶلٸمشە.
پوليتسەيلەر پاۆلودارلىق ەيەلدٸ ۇرىپ-سوعۋ دەرەگٸن تەكسەرٸپ جاتىر.
"اتالمىش فاكت پاۆلودار قالالىق ٸٸب-نا تٸركەلدٸ. تەكسەرۋ جٷرٸپ جاتىر. پوليتسييا وقيعاعا قاتىسۋشىلاردى انىقتادى. سوت-مەديتسينالىق ساراپتاما تاعايىندالدى, ونىڭ قورىتىندىسى بويىنشا پروتسەسسۋالدىق شەشٸم قابىلدانادى", - دەپ حابارلادى ۆەدومستۆونىڭ باسپاسٶز قىزمەتٸ.
