پاۆلوداردا سوت جاسٶسپٸرٸم قىزعا شابۋىل جاساعان ەيەل مەن ەر ادامدى جازالادى. وقيعا ايالدامادا بولعان, - دەپ حابارلايدى Tengrinews.kz سايتى.
زارداپ شەككەن وقۋشى قىزدىڭ اناسىنىڭ ايتۋىنشا, ونىڭ قىزى مەن قۇربىسى اۆتوبۋس كٷتٸپ تۇرعان.
"قىزىم اياعىن ورىندىققا قويىپ, تەلەفونمەن سٶيلەسٸپ وتىرعان. ەر ادام مەن ەيەل وعان ەسكەرتۋ جاساعان. قىزدار جاۋاپ بەرٸپ, تٸپتٸ تۇرىپ, ٶزٸمٸز سٷرتەمٸز دەپ ايتقان. بٸراق ەر ادام مۇنىمەن تىنىشتانباعان, قىزىمدى شاشىنىڭ تٷسٸنە بولا بالاعاتتاپ, بٸردەڭە قولداناتىنىن ايتىپ, ونى ناشاقور دەپ جامانداعان. قىزىم جاۋاپ رەتٸندە دٶرەكٸ سٶيلەگەن, سودان كەيٸن ەيەل ونىڭ شاشىنان ۇستاپ, ايالدامانىڭ ارتىنا سٷيرەپ اپارىپ, ۇرعان", - دەدٸ قىزدىڭ اناسى.
ەيەلدٸڭ ايتۋىنشا, قىزى وعان تەلەفون سوعىپ, ۇرىپ-سوعىپ جاتقانىن ايتىپ ٷلگەرگەن. ارتىنشا شابۋىلداۋشىلار ونىڭ تەلەفونىن الىپ, جەرگە لاقتىرىپ, سىندىرعان, ال ەر ادام قىزدىڭ قولىنان جٸبەرمەي ۇستاپ تۇرعان.
Instagram-دا جارييالانعان كادرلاردا جاسٶسپٸرٸم ونى جٸبەرۋدٸ ٶتٸنٸپ جاتقانى, ال ەر ادام پوليتسييا شاقىرۋدى سۇراعانى كٶرٸنەدٸ.
"پوليتسييانى ەشكٸم شاقىرعان جوق, پاترۋل ٶتٸپ بارا جاتىپ, توقتاپ, بٸردەن بالانى جٸبەرۋدٸ تالاپ ەتكەن", - دەدٸ ەيەل.
قىزدىڭ اناسى پوليتسيياعا ارىز جازعان. سوت-مەديتسينالىق ساراپشىلاردىڭ قورىتىندىسىنا سەيكەس, كەمەلەتكە تولماعان بالا جەڭٸل جاراقات العان.
"پاۆلودار وبلىسىنىڭ ەكٸمشٸلٸك قۇقىق بۇزۋشىلىق ٸستەرٸ جٶنٸندەگٸ مامانداندىرىلعان سوتى ەكٸ شابۋىلداۋشىنى دا ۇساق بۇزاقىلىق جاساعانى ٷشٸن كٸنەلٸ دەپ تانىپ, ەر ادامدى 10 تەۋلٸككە قاماۋعا الۋ تۋرالى ٷكٸم شىعاردى. سوت ونىڭ وقيعا كەزٸندە جەڭٸل دەرەجەدە ماساڭ كٷيدە بولعانىن, سونداي-اق بۇرىن الكوگولدٸك ٸشٸمدٸك ٸشٸپ, قوعامدىق ورىنداردا تۇرعىنداردى مازالاعانى ٷشٸن ايىپتالعانىن ەسكەردٸ. ەيەلگە 36 200 تەڭگە ايىپپۇل سالىندى", - دەپ حابارلادى وبلىستىق "سەميا ي دەتي. پاۆلودار" قوعامدىق بٸرلەستٸگٸ.
