پاۆلودار وبلىسىندا قاڭتار ايىنىڭ باسىندا تەرروريزمگە جەنە بيلٸكتٸ كٷشپەن باسىپ الۋعا ٷندەدٸ دەگەن كٷدٸكپەن 3 ادام ۇستالدى, دەپ حابارلايدى قازاقپارات Pavlodarnews.kz سايتىنا سٸلتەمە جاساپ.
ونلاين باسپاسٶز مەسليحاتىندا پاۆلودار وبلىستىق پوليتسييا دەپارتامەنتٸ باسشىسىنىڭ بٸرٸنشٸ ورىنباسارى جاسقايرات قايىروۆ «قاڭتار وقيعاسىنا» قاتىستى مەلٸمەتتەردٸ جارييا ەتتٸ.
«4 قاڭتاردا ەلەۋمەتتٸك جەلٸلەرگە مونيتورينگ جٷرگٸزۋ بارىسىندا بەلگٸلٸ بٸر تۇلعالار 5 قاڭتار كٷنٸ ميتينگ ۇيىمداستىرىپ, ٶتكٸزۋگە شاقىرىپ جاتقانىن انىقتادىق. 5 قاڭتار كٷنٸ ساعات 14:00-دە 1500-دەن استام ادام ورتالىق الاڭعا كەلدٸ. ولاردىڭ ۇيىمداسقانى بايقالادى. ولار جەرگٸلٸكتٸ اتقارۋشى ورگاندارعا ٶز تالاپتارىن ايتتى. وبلىس جەنە قالا ەكٸمٸ الدارىنا شىعىپ, تالاپتارىن تىڭدادى», - دەدٸ جاسقايرات قايىروۆ.
الايدا, جەرگٸلٸكتٸ اتقارۋشى ورگان ٶكٸلدەرٸ سٶيلەپ جاتقان كەزدە وبلىستىق ەكٸمدٸك عيماراتىن كٷشپەن باسىپ الۋعا ٷگٸتتەپ, ايقايلاعان داۋىستار شىعا باستاعان.
«ساعات 17:00 شاماسىندا ولار وبلىس ەكٸمدٸگٸ عيماراتىنىڭ قورشاۋىن بۇزىپ ٶتٸپ, پوليتسييا قىزمەتكەرلەرٸنە تاس, تاياق, بٶتەلكەلەر لاقتىردى. 15 مينۋت ٸشٸندە ەكٸمدٸككە كٸرەبەرٸس ەسٸكتەگٸ مەتاللوپلاستيكالىق قورعانىستى سىندىردى. شىنى ەسٸكتەردٸ سىندىرۋ ارقىلى ەكٸمدٸكتٸڭ فرونت وفيسٸنە كٸردٸ. بۇل كەزدە ەكٸمدٸكتٸڭ كٸرە بەرٸسٸندە پوليتسييا قىزمەتكەرلەرٸ تۇرعان بولاتىن. تاعى دا قوسىمشا كٷشتٸڭ كەلۋٸمەن كٸرگەن توپ ىعىستىرىلدى», - دەدٸ جاسقايرات قايىروۆ.
جاپپاي تەرتٸپسٸزدٸكتٸ بولدىرماۋ ماقساتىندا ارنايى جوسپار قۇرىلىپ, ەرٸ قاراي ۇلتتىق ۇلان ەسكەرٸ جينالعانداردى اباي ەسكەرتكٸشٸنە قاراي ىعىستىرىپ, پسيحولوگييالىق ەسەر ەتۋ ٷشٸن جارىقتىق-شۋ گراناتالارىن قولدانعان. سودان كەيٸن اگرەسسيۆتٸ توپتى قايىرباەۆ – مەشھٷر جٷسٸپ, سەتباەۆ – تورايعىروۆ كٶشەلەرٸنٸڭ قيىلىسىنا دەيٸن شەگٸندٸرۋ مٷمكٸن بولعان.
«قاراقشىلىققا جول بەرمەۋ ٷشٸن پوليتسييا كٷزەتتەرٸ ساۋدا ٷيلەرٸنٸڭ ماڭىندا ورنالاستىرىلدى. قارجى وپەراتسيياسى ٷزدٸكسٸز جٷرٸپ تۇرۋ ماقساتىندا بانكتەر مەن بانكوماتتار كٷزەتكە الىندى, قالالىق جەنە اۋىلدىق جەرلەردە قولما-قول اقشا بولۋى ٷشٸن ينكاسساتورلارعا ٸلەسٸپ جٷرۋ جٷزەگە اسىرىلدى», - دەدٸ جاسقايرات قايىروۆ.
مەلٸم ەتٸلگەندەي, «قاڭتار وقيعاسى» كەزٸندە ارنايى وپەراتسييانىڭ بٸرٸنشٸ كٷنٸ 150 ادام ۇستالىپ, ولار قوسالقى ٸرٸكتەۋ پۋنكتٸنە جٸبەرٸلگەن.
«پاۆلودار قالاسىنداعى سوتقا ميتينگٸگە قاتىسقاندارعا قاتىستى 1282 ماتەريالى جٸبەرٸلدٸ. 324 ادام 15 تەۋلٸككە دەيٸن قاماۋعا الىندى. ەكٸباستۇز قالاسى مەن باياناۋىل اۋدانىندا قوعامدىق تەرتٸپتٸ بۇزۋعا جول بەرٸلگەن جوق», - دەدٸ قايىروۆ.
جاسقايرات قايىروۆتىڭ ايتۋىنشا, پاۆلوداردا قاڭتارداعى ميتينگٸنٸ ۇيىمداستىردى دەگەن كٷدٸكپەن 3 ادام انىقتالعان. ولارعا قاتىستى 2 قىلمىستىق ٸس قوزعالدى.
«تەرگەۋ جٷرٸپ جاتقاندىقتان مەن-جايىن اشىپ ايتا المايمىن. 3 ۇيىمداستىرۋشىعا قاتىستى قر قك 255-بابى «تەرروريزم اكتٸسٸنە» قاتىستى جەنە 179-بابى «بيلٸكتٸ باسىپ الۋعا ەرەكەت جاساۋ جەنە سوعان شاقىرۋ» بويىنشا تەرگەۋ جٷرگٸزٸلۋدە», - دەدٸ جاسقايرات قايىروۆ.
دەپارتامەنت باسشىسىنىڭ بٸرٸنشٸ ورىنباسارى ميتينگ كەزٸندە ەشبٸر پوليتسييا قىزمەتكەرٸ جەنە كٶلٸگٸ زارداپ شەكپەگەنٸن اتاپ ٶتتٸ.
