پاۆلودار ماڭىنداعى كٷرە جولدا ەكٸ كٶلٸك سوقتىعىسىپ, بٸرەۋٸ ٶرتەنە باستاعان. بارلىق جولاۋشىلار سىرتقا جٷگٸرٸپ شىقتى, تەك بٸرەۋٸنٸڭ اياعى قىسىلىپ, شىعا الماي قالدى, دەپ حابارلايدى "ۇلت اقپارات".
«ٷشٸنشٸ قاراشا كٷنٸ ساعات 17:30 شاماسىندا پاۆلودار-ەكٸباستۇز كٷرە جولىنىڭ ونىنشى شاقىرىمىندا, لەنينسكيي كەنتٸنٸڭ ماڭىندا «Toyota-Emina» كٶلٸگٸن جٷرگٸزٸپ كەلە جاتقان 30 جاستاعى ەيەل اينالىپ ٶتۋ كەزٸندە «اۋدي س -100» ماركالى كٶلٸكپەن سوقتىعىسقان. جول-كٶلٸك وقيعاسى سالدارىنان ەكٸنشٸ كٶلٸك ٶرتەنە باستادى», - دەپ حابارلادى تٸلشٸلەرگە پاۆلودار وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
وقيعا ورنىنا پاۆلودار-لەنينسكيي باعدارى بويىنشا پاترۋلدٸك قىزمەت جٷرگٸزگەن اعا لەيتەنانت ازات قايىربەكوۆ پەن ەربول ايعوجين كەلٸپ جەتتٸ.
«اعا لەيتەنانت ازات قايىربەكوۆ وقيعا تۋرالى دەرەۋ حابارلاپ, ٶرت سٶندٸرۋ قىزمەتٸ مەن جەدەل جەردەمدٸ شاقىرتتى. پوليتسييا قىزمەتكەرٸ ەربول ايعوجين كٶلٸككە قاراي جٷگٸردٸ, ونداعى بارلىق جولاۋشىلار ٶزدەرٸ شىعىپ ٷلگەردٸ, اراسىندا بٸر جاس ەر ادام عانا اياعى وتىراتىن ورىن مەن پانەلدٸڭ اراسىنا قىسىلىپ, شىعا الماي تۇردى», - دەپ قوسىپ ٶتتٸ باسپاسٶز قىزمەتٸنەن.
جالىن كٶلٸكتٸڭ سالونىنا تاراي باستادى. گازبەن جٷرەتٸن كٶلٸك كەز كەلگەن سەتتە جارىلۋى مٷمكٸن ەدٸ. اعا لەيتەنانت ايعوجين جولاۋشىنىڭ اياعىن بوساتىپ, جولدىڭ جيەگٸنە جەتۋگە كٶمەكتەستٸ. بٸرنەشە مينۋتتان سوڭ كٶلٸك تولىق ٶرتەنٸپ كەتتٸ.
«پوليتسەيلەر قاۋٸپسٸزدٸكتٸ ساقتاۋ ماقساتىندا ادامداردى جولدىڭ جيەگٸنە شىعارىپ, شوشىنىپ قالعانداردى تىنىشتاندىردى. وقيعا ورنىنا كەلٸپ جەتكەن ٶرت سٶندٸرۋ كٶلٸگٸ ٶرتتٸ سٶندٸردٸ», - دەپ قوستى باسپاسٶز قىزمەتٸنەن.
تٶتەنشە جاعداي سالدارىنان جاراقات العان «اۋدي س – 100» كٶلٸگٸنٸڭ ەكٸ جولاۋشىسى اۋرۋحاناعا جەتكٸزٸلدٸ. كٶلٸك ايىپ تۇراعىنا قويىلدى, تەكسەرٸس جٷرگٸزٸلٸپ جاتىر.
