پاۆلوداردا قىزدار ۋلانعان ورتالىقتىڭ 4 قىزمەتكەرٸ جۇمىسىنان بوساتىلدى. بۇل تۋرالى ونلاين ٶتكەن باسپاسٶز مەسليحاتىنا پاۆلودار وبلىسى بٸلٸم بەرۋ باسقارماسىنىڭ باسشىسى دٸنيسلام بولاتحانۇلى مەلٸم ەتتٸ, دەپ حابارلايدى "ۇلت اقپارات" Pavlodarnews.kz سايتىنا سٸلتەمە جاساپ.
«ٶزدەرٸڭٸزگە بەلگٸلٸ, 2 قاڭتاردا پاۆلودارداعى قيىن جاعدايعا تاپ بولعان بالالاردى قولداۋ ورتالىعىندا قايعىلى جاعداي بولدى. 3 قىز ۋلانىپ, بٸرەۋٸ كٶز جۇمدى. ول اتا-اناسىنىڭ قامقورلىعىنسىز قالعان قىز. اتا-اناسى قۇقىعىنان ايىرىلعان. قازٸر بۇل ٸس بويىنشا قىلمىستىق كودەكستٸڭ 371 بابىنا سەيكەس (ادام ٶمٸرٸنە قاۋٸپ تٶندٸرگەن سالاقتىق), تەرگەۋ امالدارى جٷرٸپ جاتىر», - دەدٸ دٸنيسلام بولاتحانۇلى.
باسقارما باسشىسىنىڭ ايتۋىنشا, قازٸرگٸ ۋاقىتتا اتالعان ورتالىقتىڭ 1 مەدبيكەسٸ, 2 تەربيەشٸنٸڭ كٶمەكشٸسٸ, كٷزەتشٸ جۇمىسىنان كەتكەن. ورتالىق باسشىسى جۇمىستان بوساتۋ تۋرالى ٶتٸنٸش بەرگەن.
«بۇل قىزمەتكەرلەر ٶز ەرٸكتەرٸمەن جۇمىستان بوساتۋ تۋرالى ٶتٸنٸش بەردٸ. ەرٸ قاراي جۇمىس ٸستەگٸلەرٸ كەلمەيدٸ», - دەدٸ دٸنيسلام بولاتحانۇلى.
ۋلانعان قىزدار پاۆلودارداعى وبلىستىق ٶمٸرلٸك قيىن جاعدايعا تاپ بولعان بالالاردى قولداۋ ورتالىعىنا ٶتكەن جىلدىڭ قازان ايىندا كەلگەن. بٸر قىز ەرٸ قاراي شىعىس قازاقستان وبلىسىنداعى «دەۆيانتتى مٸنەز-قۇلىقتى بالالارعا ارنالعان وبلىستىق ارنايى مەكتەپ-ينتەرناتىنا» جٸبەرٸلۋٸ كەرەك بولعان.
ايتا كەتەيٸك, ٶتكەن جىلى اتالعان ورتالىقتا بٶلمەلەرگە بەينەباقىلاۋ كامەرالارىن ورناتۋ بويىنشا كٶپشٸلٸك اراسىندا داۋ تۋعان بولاتىن.
«مەنٸڭ جاتىن بٶلمەلەردە بەينەباقىلاۋ كامەرالارى بولعان كەزدە بۇل جاعدايدىڭ الدىن الۋ مٷمكٸن بولار ما ەدٸ دەگەن جەكە ويىم بار. الايدا, بۇل مەسەلە ٶتكەن جىلى رەزونانس تۋدىرىپ, شەشٸم بويىنشا كامەرالاردى الىپ تاستاعانبىز. بٸراق زاڭ تالابىنا ساي ورتالىقتىڭ اۋماعى, دەلٸزدەر كٶرٸنٸپ تۇراتىنداي كامەرالار بار», - دەدٸ دٸنيسلام بولاتحانۇلى.
سونداي-اق باسقارما باسشىسى قىزداردىڭ انتيسەپتيك ٸشٸپ ۋلانعانىنا قاتىستى پٸكٸر بٸلدٸردٸ.
«بالالار انتيسەپتيك ٸشەدٸ دەگەن ەشكٸمنٸڭ ويىنا ٷش ۇيىقتاسا دا كەلمەيدٸ. الايدا, انتيسەپتيك بارلىق جەرلەردە قولجەتٸمدٸ ورىندا تۇرۋ كەرەك. ول سوعان ارنالعان. كٸرگەن كەزٸندە انتسەپتيكتٸ قولدانىپ, قاۋٸپسٸزدٸگٸن قامتاماسىز ەتۋٸ تيٸس. بۇل ساباق بولدى», - دەدٸ دٸنيسلام بولاتحانۇلى.
پاۆلودار وبلىسىندا ٶمٸرلٸك قيىن جاعدايعا تاپ بولعان بالالاردى قولداۋعا ارنالعان 2 ورتالىق بار. ورتالىقتاردا 73 بالا تۇرادى. پاۆلودارداعى ورتالىقتا – 29, ەكٸباستۇزداعى ورتالىقتا – 44 بالا بار. ورتالىققا 3-18 جاس ارالىعىنداعى بالالار كەلەدٸ. ورتا ەسەپپەن ەر بالا ورتالىقتا 3-6 اي ارالىعىندا بولادى. وعان قوسا, ورتالىقتا تۇراقتى بولاتىن توپ بار. ول توپتا 10 بالا بار.
ەسكە سالايىق, 2 قاڭتار كٷنٸ ساعات 18:30-دا وبلىستىق بالالار اۋرۋحاناسىنا جەدەل جەردەممەن 2003 جىلى تۋعان قىز بالا جەتكٸزٸلگەن. ول وبلىستىق ٶمٸرلٸك قيىن جاعدايعا تاپ بولعان بالالاردى قولداۋ ورتالىعىنان ەس-تٷسسٸز كٷيدە جەتكٸزٸلدٸ. قىز بالا بەلگٸسٸز زاتتىڭ ۋلى ەسەرٸ دياگنوزىمەن تٷستٸ. باس ميىنىڭ ٸسٸنۋٸمەن جانساقتاۋ بٶلٸمٸنە جاتقىزىلدى. ينتەنسيۆتٸ تەراپييا باستالدى. جاسالعان ەمدەۋ شارالارىنا قاراماستان ساعات 20:00-دە جٷرەگٸ توقتادى.
