پاۆلوداردا بٸر توپ قىز كەمەلەتتٸك جاسقا تولماعان تانىسىن ۇرىپ كەتكەن. بٷگٸن پاۆلودار قالاسىنىڭ مامانداندىرىلعان ەكٸمشٸلٸك سوتىندا تٶبەلەسكە قاتىسى بار 7 بويجەتكەنگە قاتىستى ٷكٸم شىقتى, دەپ حابارلايدى "ۇلت اقپارات".
28 اقپان كٷنٸ ساعات 19:00-دە پابليكتەردٸڭ بٸرٸندە پاۆلوداردا كەمەلەتتٸك جاسقا تولماعان قىزدى بٸر توپ ەيەل قاتٸگەزدٸكپەن ۇرىپ كەتكەنٸ تۋرالى ۆيدەو جارييالانعان بولاتىن. ول جەردە تٶبەلەسكە قاتىسۋشىلار پوليتسييا ۇستاپ العاننان كەيٸن دە Instagram پاراقشاسىنا نە ٸستەگەندەرٸ تۋرالى ۆيدەو سالعاندارى جازىلعان. ۆيدەودان ولاردىڭ تٸرەك پۋنكتٸندە سىرا ٸشٸپ تۇرعاندارىن كٶرۋگە بولادى. اتالعان فاكت پاۆلودار پوليتسيياسىنىڭ سولتٷستٸك بٶلٸمٸندە تٸركەلگەن.
«28 سەۋٸر كٷنٸ بۇرىن تانىس بولعان قىزدار اراسىندا كەلٸسپەۋشٸلٸك بولعان. تٶبەلەستٸڭ سەبەبٸ – زارداپ شەككەن قىز تانىس قىزعا سپورتتىق كيٸمٸن قايتارماي قويعان. سونداي-اق, تٸرەك پۋنكتٸندە الكوگولدٸ ٸشٸمدٸك ٸشكەنٸ ٷشٸن بەس قىزعا قاتىستى ەكٸمشٸلٸك جازا قولدانىلادى. ولاردىڭ بەرٸ 5 ايلىق ەسەپتٸك كٶرسەتكٸش كٶلەمٸندە ايىپپۇل تٶلەيدٸ», - دەلٸنگەن باسپاسٶز حابارلاماسىندا.
سونداي-اق, 3 مامىر كٷنٸ پاۆلودار قالاسىنداعى مامانداندىرىلعان ەكٸمشٸلٸك سوتتا تٶبەلەسكە قاتىسقان 7 قىزعا قاتىستى قر ەكٸمشٸلٸك قۇقىق بۇزۋشىلىق كودەكسٸنٸڭ 434 (ۇساق بۇزاقىلىق) جەنە 476-باپتارى (تٶتەنشە جاعداي رەجيمٸن بۇزۋ) بويىنشا سوت بولدى. سونىمەن قاتار, تٶبەلەسكە قاتىسقان بٸر قىز وسى ەكٸ باپتان بٶلەك قر ەكٸمشٸلٸك قۇقىق بۇزۋشىلىق كودەكسٸنٸڭ 478-بابى (تٶتەنشە جاعداي رەجيمٸ تەرتٸبٸن بۇزۋعا يتەرمەلەۋ ەرەكەتٸ) بويىنشا ٸس قوزعالدى.
پاۆلودار وبلىستىق پوليتسييا دەپارتامەنتٸنٸڭ حابارلاۋىنشا, تٶبەلەسكە قاتىسقانداردىڭ بەرٸ 5, 10, 15 تەۋلٸككە قاماۋعا الىندى.
«تٶبەلەسكە قاتىسقانداردىڭ ەكەۋٸندە كەمەلەتتٸك جاسقا تولماعان بالالارى بار, سول سەبەپتٸ ولاردىڭ جازاسى جەڭٸلدەتٸلٸپ, بٸرٸنە 15 اەك, ەكٸنشٸسٸنە 10 اەك كٶلەمٸندە ايىپپۇل جازىلدى. ولار ەكٸمشٸلٸك جازادان بٶلەك, ٸشكٸ ٸستەر ورگاندارىنا «بۇزاقى تٶبەلەسكٸش» رەتٸندە ەسەپكە الىندى», - دەيدٸ باسپاسٶز قىزمەتٸ.
سونىمەن قاتار, تٶبەلەسكە قاتىسۋشىلاردىڭ بەرٸنە قاتىستى قر قك-نٸڭ 389-بابى, 3-بٶلٸمٸ (وزبىرلىق) بويىنشا سوتقا دەيٸنگٸ تەرگەۋ ٸسٸ باستالدى.
«بارلىق قىز لايىقتى جازاسىن الادى. تەرگەۋشٸلەر قاجەتتٸ تەرگەۋ امالدارىن جٷرگٸزٸپ جاتىر. قاجەتتٸ ماتەريالدار جينالدى. ولاردىڭ قانشالىقتى دەڭگەيدە كٸنەلٸ ەكەندەرٸن سوت شەشەدٸ», - دەيدٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
