پاۆلودار وبلىسىنىڭ اققۋلى اۋدانىندا 19 جاستاعى مۇعالٸمدٸ زورلاعان اۋىل تۇرعىنىنا سوت ٷكٸمٸ شىقتى, دەپ حابارلايدى "ۇلت اقپارات" pavlodarnews.kz سايتىنا سٸلتەمە جاساپ.
ٸس پاۆلودار وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالدى. پروكۋرور كٸنەلٸنٸ 15 جىلعا باس بوستاندىعىنان ايىرۋدى سۇرادى. سوتتالۋشى ٶز كٸنەسٸن جارتىلاي مويىندادى.
ايىپتالۋشى جەنە ونىڭ ادۆوكاتى ەڭ جەڭٸل جازا تاعايىنداۋدى سۇرادى. الايدا, زارداپ شەككەن قىزدىڭ جەنە كۋەگەرلەردٸڭ ايعاقتارىمەن, ساراپتاما قورىتىندىسىمەن قىلمىس تولىعىمەن دەلەلدەنگەن.
اققۋلى اۋدانىنىڭ 30 جاستاعى تۇرعىنىنا جەبٸرلەنۋشٸنٸڭ دەنساۋلىعىنا اۋىر زييان كەلتٸرگەن زورلاۋ فاكتٸسٸ (قر قك 120-بابى, 3-بٶلٸگٸ, 2-تارماعى) جەنە ٶلتٸرەمٸن دەپ قورقىتۋمەن ۇشتاسقان, جىنىستىق سيپاتتاعى زورلىق-زومبىلىق جاساۋ فاكتٸسٸ بويىنشا (قر قك 121-بابى, 2-بٶلٸگٸ, 2-تارماعى) ايىپتاۋ ٷكٸمٸ شىعارىلدى.
«سوتتىڭ ٷكٸمٸمەن وعان 15 جىلعا باس بوستاندىعىنان ايىرۋ جازاسى تاعايىندالدى. بۇل – زاڭمەن بەلگٸلەنگەن ەڭ اۋىر جازا. جازانى ٶتەۋ قاۋٸپسٸزدٸگٸ بارىنشا جوعارى مەكەمەدە بەلگٸلەندٸ», - دەدٸ سۋديا نۇرلان ايتباەۆ.
سونىمەن قاتار, اۋىل تۇرعىنى كەمەلەتكە تولماعان بالالارمەن جۇمىس ٸستەۋگە بايلانىستى جەنە پەداگوگيكالىق لاۋازىمدىق قىزمەتتەردٸ اتقارۋ قۇقىعىنان ٶمٸر بويىنا ايىرىلدى.
بۇدان بٶلەك, مۇعالٸمنٸڭ پايداسىنا مورالدىق زييان رەتٸندە 2 ميلليون تەڭگە كٶلەمٸندە ٶتەماقى ٶندٸرٸلدٸ.
ٷكٸم زاڭدى كٷشٸنە ەنگەن جوق.
ەسكە سالايىق, 19 جاستاعى اۋىل مۇعالٸمٸن زورلاۋ وقيعاسى تۋرالى بيىلعى اقپان ايىندا حابارلانعان بولاتىن. كٶپ ۇزاماي, كٷدٸكتٸ قولعا تٷستٸ. ول بۇعان دەيٸن ۇرلىق جاساعانى ٷشٸن جاۋاپقا تارتىلعان. 2017 جەنە 2018 جىلدارى پاۆلودار وبلىسىنىڭ تەرگەۋشٸلەرٸ قىلمىستىق ٸستەردٸ سوتقا جولداعان. الايدا, سوت بارلىق ٸستەردٸ تاراپتاردىڭ بٸتٸمگە كەلۋٸنە بايلانىستى توقتاتقان.
بويجەتكەن مەن ەر ادام بٸر-بٸرٸن تانىماعان. ٸزدەۋ شارالارى بارىسىندا كٷدٸكتٸ كٶرشٸ اۋىلدا جاسىرىنعان.
