ارمەنييا پرەمەر-مينيسترٸ نيكول پاشينيان تاۋلى قاراباقتاعى جاعدايدىڭ ٶربۋٸنە جاۋاپتى ەكەنٸن مويىندادى. 10 قاراشاداعى باكۋ, ەرەۆان جەنە مەسكەۋ اراسىنداعى كەلٸسٸمگە ساي, ەزەربايجان تاۋلى قاراباقتاعى ستەپاناكەرتتەن باسقا بارلىق ايماقتى, مارداكەرت جەنە مارتۋني قالالارىن دا الادى. وسىعان دەيٸن بۇل كەلٸسٸمگە قارسىلىق تانىتقان ارمەنييا تۇرعىندارى پاشينياننىڭ وتستاۆكاعا كەتۋٸن تالاپ ەتكەن بولاتىن.
"مەن حالىق الدىندا, سوت الدىندا جاۋاپ بەرەمٸن, بٸراق مۇنداي جاعدايدا ادامدار ساباق الا بٸلۋٸ تيٸس... ساربازداردى, وپپوزيتسييا, ٷكٸمەتتٸ تىڭداۋ كەرەك بولادى" دەدٸ پاشينيان. ونىڭ سٶزٸنەن ٷزٸندٸنٸ "ارمەنپرەسس" اگەنتتٸگٸ كەلتٸردٸ.
پاشينياننىڭ سٶزٸنە قاراعاندا, ارميان بيلٸگٸنە "ەزەربايجانعا شارت قويماي اۋماقتى قايتارۋ تۋرالى حالىقارالىق كونسەنسۋس بار كەزدە" ەرەكەت ەتۋٸنە تۋرا كەلگەن.
ونىڭ ايتۋىنشا, ٷكٸمەت مەسەلەنٸ ەكٸ قىرىنان: مەسەلەنٸ ەسكەري جولمەن شەشۋگە بولمايدى جەنە "بٸر قارىس تا جەر بەرمەۋ" پرينتسيپتەرٸ بويىنشا قاراستىرعان. "ۋاقىتتى شەكسٸز سوزا بەرۋگە بولادى" دەپ ويلاپ, ەڭ ٸرٸ قاتەلٸككە ۇرىنعانىن دا جەتكٸزگەن.
10 قاراشاعا قاراعان تٷنٸ ارمەنييا پرەمەر-مينيسترٸ نيكول پاشينيان, رەسەي پرەزيدەنتٸ ۆلاديمير پۋتين جەنە ەزەربايجان باسشىسى يلحام ەليەۆ تاۋلى قاراباقتا اتىستى توقتاتۋ تۋرالى ورتاق مەلٸمدەمەگە قول قويعان. تاراپتار باكۋ تاۋلى قاراباقتىڭ بٸر بٶلٸگٸن الادى - حالىقارالىق دەرەجەدە مويىندالماعان تاۋلى قاراباق رەسپۋبليكاسى ٷشٸن ستراتەگييالىق ماڭىزدى شۋشا قالاسى, اگدام, كەلبادجار, لاچين اۋداندارى دا ەزەربايجان جاعىنا ٶتەدٸ دەپ ۋاعدالاسقان. كەلٸسٸم بويىنشا, رەسەيلٸك بٸتٸمگەر ساربازدار دا اۋماققا كٸرەدٸ.
11 قاراشادا رەسەي جەنە تٷركييا قورعانىس مينيسترلەرٸ ەزەربايجان اۋماعىندا بٸتٸمگەرلٸك ميسسيياعا ارنالعان ورتاق باقىلاۋ ورتالىعىن قۇرۋ تۋرالى مەموراندۋمعا قول قويدى. بۇل ورتالىق كەلٸسٸمنٸڭ ورىندالۋ شارتتارىن قاداعالاپ, ۇزاق جىلعا سوزىلىپ كەلە جاتقان قاقتىعىستى رەتتەۋ نەگٸزٸن قالىپتاستىرۋعا كٶمەكتەسۋٸ تيٸس.
