بٸردٸ-ەكٸلٸ جەمقوردىڭ كەسٸرٸنەن تۇتاس بٸر سالانىڭ جۇمىسىنا كٶلەڭكە تٷسٸپ جاتادى. سول سەبەپتٸ, جەمقورلىقپەن قوعام بولىپ كٷرەسۋٸمٸز كەرەك. پارلامەنت مەجٸلٸسٸنٸڭ دەپۋتاتى بەيبٸت مامراەۆ وسىنداي پٸكٸربٸلدٸردٸ, دەپ حابارلايدى قازاقپارات.
«ٶمٸردە پارادوكستار از ەمەس. ادامنىڭ دەنساۋلىعىن ساقتاۋ بويىنشا ٷلكەن تەحنولوگييالارعا قازاقستاننىڭ قولى جەتٸپ جاتىر, ەكٸنشٸ جاعىنان وقۋ مەكەمەلەرٸندەگٸ پاراقورلىق جايلى مەسەلە كٶتەرٸپ وتىرمىز. جەر مەن كٶكتەي مەسەلەلەر, يە?! جىلدار بويى جەمقورلىقپەن كٷرەسٸپ كەلەمٸز. مەملەكەتتٸك ساتىپ الۋدا دا, كٶپتەگەن سالادا كەزدەسكەنٸمەن, جەمقورلىق بٸلٸم سالاسىندا ەرەكشە بايقالادى. سەبەبٸ, بۇل سالادا بٸزدٸڭ قوعام جەمقورلىقپەن جيٸ بەتپە-بەت كەلەدٸ. بٸر جاعىنان الىپ قاراساڭىز, جاس ستۋدەنتتەرگە, بوزبالا مەن بويجەتكەندەرگە جەمقورلىق جيٸركەنٸشتٸ بولۋى كەرەك ەدٸ. بٸراق, جاعىمسىز جايلار ەلٸ دە كەزدەسٸپ جاتادى», - دەدٸ بەيبٸت مامراەۆ ٷكٸمەتتٸڭ باسپاسٶز ورتالىعىنداعى بريفينگتە.
مەجٸلٸس دەپۋتاتىنىڭ ايتۋىنا قاراعاندا, قازٸرگٸ تاڭدا كٷن تەرتٸبٸندە جەمقورلىققا قارسى كٷرەس جٷرگٸزۋ ٷشٸن بٷكٸل قوعام بٸرٸگە بٸلۋٸ تيٸس.
«مەنٸڭ ويىمشا, بٸزدٸڭ بەرٸمٸز وسى مەسەلەنٸ قولعا الىپ, شەشٸلۋ جولىن ٸزدەۋٸمٸز كەرەك. وقۋ مەكەمەلەرٸنٸڭ مۇعالٸمدەرٸنٸڭ اراسىندا نەلٸكتەن جەمقورلار كٶبەيٸپ تۇر? ولار ٶز ەرەكەتتەرٸن نەمەن اقتايدى? بٸر جاعىنان تٶمەنگٸ ايلىق دەۋٸ مٷمكٸن. بٸراق, كٸم ماماندىق تاڭداۋدا كەدەرگٸ كەلتٸردٸ, ماماندىقتى اۋىستىرۋعا بٸرەۋ قارسىلىق تانىتىپ تۇر ما? تٶمەنگٸ ايلىقتى جەلەۋ ەتٸپ, جەمقورلىقتى اقتاۋ – قىلمىسقا تەڭ», - دەدٸ ول.
بەيبٸت مامراەۆتىڭ ايتۋىنا قاراعاندا, جەمقورلىققا جول بەرگەن ادامداردىڭ كەسەلٸنەن بٷكٸل بٸلٸم سالاسىنا كٶلەڭكە تٷسەدٸ.
ەسكە سالا كەتسەك, «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىندا قر تۇڭعىش پرەزيدەنتٸ – ەلباسى نۇرسۇلتان نازارباەۆ سىبايلاس جەمقورلىقپەن كٷرەستٸ بارىنشا كٷشەيتٸپ, قاتاردى «تازارتۋ» كەرەكتٸگٸن مەلٸم ەتكەن بولاتىن.سونىمەن قاتار جوو-لارداعى جەمقورلىق مەسەلەسٸ قاۋٸپسٸزدٸك كەڭەسٸندە قارالاتىنىن اتاپ ٶتتٸ.
