سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قارۋلى كٷشتەردٸڭ, باسقا دا ەسكەرلەر مەن ەسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن تىيىم سالىنعان اۋداندار مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى قازاقپارات.
«بٸزدٸڭ ەلٸمٸزدە عانا ەمەس, بٷكٸل ەلەمدە ورىن الاتىن تابيعي قۇبىلىستار مەن تەحنوگەندٸك اپاتتاردان ازاماتتاردى قورعاۋ مەسەلەسٸنە ەرەكشە نازار اۋدارۋ قاجەت ەكەنٸن جاقسى بٸلەسٸزدەر. قۇجاتتى دايىنداۋعا باستاماشى بولعان پارلامەنت دەپۋتاتتارى جۇمىس بارىسىندا وق-دەرٸلەردٸ ساقتاۋ ارسەنالدارى, بازالارى مەن قويمالارى جانىنداعى تىيىم سالىنعان ايماقتاردى, اۋدانداردى بەلگٸلەۋ مەسەلەلەرٸندە بٸرتالاي كەمشٸلٸكتەر مەن پروبلەمالار ورىن الاتىنىنا كٶز جەتكٸزدٸ. ول ولقىلىقتار ەسٸرەسە ارىس قالاسىنداعى بولعان بەلگٸلٸ وقيعا بارىسىندا كٶرٸنٸس تاپتى», - دەپ توقتالدى سەنات دەپۋتاتى نۇرجان نۇرسيپاتوۆ.
بۇل مەسەلەلەردٸ شەشۋ ٷشٸن جەر كودەكسٸنە, ەكٸمشٸلٸك قۇقىق بۇزۋشىلىق تۋرالى كودەكسكە, «قازاقستان رەسپۋبليكاسىنىڭ قورعانىسى جەنە قارۋلى كٷشتەرٸ تۋرالى», «قازاقستان رەسپۋبليكاسىنداعى سەۋلەت, قالا قۇرىلىسى جەنە قۇرىلىس قىزمەتٸ تۋرالى» زاڭدارعا تٷزەتۋ ەنگٸزۋ ەسكەرٸلگەن.
تٷزەتۋلەردٸ قابىلداۋ قارۋ-جاراق, ەسكەري تەحنيكا جەنە وق-دەرٸلەر ارسەنالدارى, بازالارى مەن قويمالارعا تيەسٸلٸ مەملەكەتتٸك ورگاندارمەن تىيىم سالىنعان ايماق پەن تىيىم سالىنعان اۋدان اۋماعىنىڭ بەلگٸلەنگەن شەكارالارىن مٸندەتتٸ تٷردە جەرگٸلٸكتٸ اتقارۋشى ورگاندارمەن كەلٸسٸم جاساي وتىرىپ, ورنالاسقان جەرٸن بەلگٸلەۋ تەتٸگٸن كەشەندٸ شەشۋگە مٷمكٸندٸك بەرەدٸ.
«زاڭ جوباسىن قابىلداۋ ەلٸمٸزگە وڭ قۇقىقتىق جەنە ەلەۋمەتتٸك-ەكونوميكالىق ەسەر ەتۋٸ بولجانادى, ٶيتكەنٸ وق-دەرٸلەردٸ ساقتاۋ كەزٸندە تٶتەنشە وقيعا تۋىنداۋى ىقتيمال بولعان جاعدايدا - تۇرعىنداردى, ازاماتتىق جەنە باسقا دا ينفراقۇرىلىمنىڭ قورعالۋىن قامتاماسىز ەتەدٸ», - دەدٸ سەناتور.
